Latviyanın kurort şəhəri olan Yurmalada iyulun 18-dən 21-dək keçiriləcək ənənəvi “Laima Rendezvous Jūrmala” musiqi festivalında yerli müğənnilərlə yanaşı, digər ölkələrdən dəvət olunmuş ifaçılar da mahnılarını səsləndirəcək.

Mtv.az xəbər verir ki, Latviyanın Xalq artisti Layma Vaykulenin rəhbərliyi altında artıq beşinci dəfə festivalda bu dəfə pop musiqisinin Baltik ölkələri və MDB-də tanınmış ən görkəmli nümayəndələri iştirak edəcək. Festivalın sonuncu günündə azərbaycanlı ifaçı Emin Ağalarov da səhnə alacaq.

Ümumilikdə isə musiqi bayramında Azərbaycan da daxil olmaqla 14 ölkədən dəvət olunmuş 50-dən çox müğənninin iştirakı gözlənilir.