Model qırmızı bikinisi ilə günəşləndi - foto
Aktrisa Emma Stoun ərə gedir
Murad Arif "Eurovision"a getmək istəyir
Modelin fotosu səs-küy yaratdı

Facebook instagram Twitter Youtube
ARTNEWS

Məryəm Ələkbərlinin əsərlərinin sədası dünyanın böyük muzeylərindən gələcək

05-05-2017


İstedadlı gənc rəssam Məryəm Ələkbərli “İntim portretlər” adlı sərgisi üçün ən çox sevdiyi Paris şəhərini seçib. Fransa paytaxtının mərkəzində Sena küçəsində yerləşən “Buci” qalereyasında on beş gün ərzində sənətsevərlərin istedadlı rəssamın əsərlərini seyr etmək imkanı olacaq.

Muztv.az Azərtac-a istinadən xəbər verir ki, fərqli baxışları olan azərbaycanlı gənc rəssam maraqlı, qeyri-standart ölçülü nadir əsərləri ilə Fransa paytaxtında incəsənət nümayəndələrinin diqqətini və qəlbini fəth edib. 

İncəsənət tarixçiləri, tənqidçiləri, yaradıcılığın müxtəlif sahələrini təmsil edən sərgi iştirakçıları istedadlı rəssamın əsərlərini maraqla qarşılayıb. 

Onlar gənc rəssamın sadə təsvir manerasına heyranlıqla tamaşa edib.

Parlaq rənglərlə canlı modelləri və ya natürmortları kətan üzərinə köçürdən gənc rəssam naturanı təfsir edib əsərinin ruhuna tabe edir. Bununla da rəssamlıqda öz dəst-xəttini yazır. 

İncəsənət tarixçiləri Məryəm Ələkbərlinin Parisdə təhsil alsa da onun əsərlərində hiss olunan ekspressionizm və ruhun doğma vətənindən gəldiyini vurğulayır. 

Məryəm Ələkbərlini yaradıcılıq və həyat, rəssam instinkti və plastik ifadə arasında mövcud əlaqənin rəmzi kimi xarakterizə edir. 

Onun enerji ilə dolu əsərlərinin qəlbinin səsi olduğu diqqətə çatdırılır.

İstedadlı rəssam Məryəm Ələkbərlinin heyranedici əsərləri dünyanın bir çox ölkələrində sərgilənib. Dubayda, Moskvada, Romada, Riqada fərdi sərgiləri ilə sənətsevərlərin qəlbini fəth etsə də, Məryəmin ən çox sevdiyi şəhər Parisdir. “Buci” qalereyası 28 ildir məhz müxtəlif ölkələrdən olan və Fransanın tarixini, mədəniyyətini sevən sənətçilərin əsərlərini nümayiş etdirir.

Məryəm kiçik yaşlarından musiqi və rəssamlıqla maraqlanıb. Bakıda incəsənət sahəsində ilk addımlarını atan Məryəm Ələkbərli bu sahədə təhsilini Moskvada davam etdirib. İstedadlı, gənc rəssam Paris Dekorativ ali məktəbinə, sonra İncəsənət ali məktəbinə üz tutub.

555 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
12 Dekabr


11 Dekabr