Model qırmızı bikinisi ilə günəşləndi - foto
Aktrisa Emma Stoun ərə gedir
Murad Arif "Eurovision"a getmək istəyir
Modelin fotosu səs-küy yaratdı

Facebook instagram Twitter Youtube
ARTNEWS

“Əli və Nino” Monteneqroda təqdim olundu

06-05-2017


Monteneqronun paytaxtı Podqoritsada yerləşən Monteneqro Milli Teatrında Azərbaycan Respublikasının bu ölkədəki diplomatik nümayəndəliyinin dəstəyi, Azərbaycan-Monteneqro İqtisadi və Mədəni Mərkəzinin, Monteneqro Milli Teatrının və “Azmont Investments” şirkətinin birgə təşkilatçılığı ilə “Əli və Nino” filminin təqdimatı keçirilib.

Muztv.az Azərtac-a istinadən xəbər verir ki, tədbirdə Monteneqronun dövlət, hökumət və ictimai xadimləri, Podqoritsada fəaliyyət göstərən diplomatik korpusun və dini icmaların, siyasi partiyaların təmsilçiləri, qeyri-hökumət təşkilatlarının nümayəndələri, bu ölkədə yaşayan soydaşlarımız iştirak edib.

Ölkəmizin Monteneqrodakı diplomatik nümayəndəliyinin müşaviri Anar Əcəmov təqdimat mərasimində çıxış edərək Azərbaycanın yaxın tarixi, o cümlədən XX əsrdə iki dəfə müstəqilliyini əldə etməsi, müsəlman dünyasında ilk dünyəvi demokratik respublika qurması barədə danışıb. 

Tədbirdə çıxış edən Monteneqro Milli Teatrının direktoru Zorica Kraly Monteneqro ilə Azərbaycan arasında bütün sahələrdə əlaqələrin yüksək səviyyədə olmasından məmnunluğunu ifadə edib və bugünkü tədbirin Monteneqro-Azərbaycan münasibətləri üçün mühüm mədəni hadisə olduğunu bildirib.

O, bu filmin nəinki iki gəncin məhəbbətindən, eləcə də Azərbaycanın qədim tolerantlıq və multikulturalizm ənənələrindən bəhs etdiyini vurğulayıb.

Sonra film nümayiş etdirilib.

Film yerli mətbuatın da böyük marağına səbəb olub.

522 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
12 Dekabr


11 Dekabr