Məşhur müğənni boşandı - foto
Toy müğənniyə düşmədi
Təranə və Musa “Giveaway” keçirirlər - foto
"Oskar" incəsənətə aid deyil" - Nikita Mixalkov

Facebook instagram Twitter Youtube
ARTNEWS

Beynəlxalq Muğam Mərkəzində müsabiqə

07-04-2017



Beynəlxalq Muğam Mərkəzində keçirilən Muğam Müsabiqəsində bu həftə iştirakçılar Nizami Gəncəvinin qəzəllərindən ibarət muğamlar ifa edib. 

Muztv.az Milli.Az-a istinadən xəbər verir ki, həftənin birinci günü səhnəyə 8 iştirakçı çıxıb. Vüsal Cəfərov ilk çıxış edərək tamaşaçılara Bayatı-Şiraz təsnifi ("Sənin eşqin əbədidir") ifa edib. Daha sonra Atlas Mehdiyeva - Dilkeş təsnifi ("Gecələr yuxusuz qoymusan məni"), Nurlan Namazov - Segah təsnifi ("Baxdım maral kimi"), Səma Sultanova - Bayatı-isfahan təsnifi ("Onu demə, zalım yar"), Valid Abdullayev - Rast təsnifi ("Bənzərəm bülbülə gülzari - Vətəndə gülə sən"), Məftun Məmmədov - Dəşti təsnifi ("Sənin eşqin məni gətirib dilə"), Rəvanə Əmiraslanlı - Şikesteyi fars təsnifi ("Nazlı Yarım eyləmə"), Mirəli Sarızadə - Dilkeş təsnifi ("Atlandım keçdim daşdan") öz ifaları ilə münsiflərin və tamaşaçıların qarşısında çıxış ediblər. 
Növbəti dinləmələr günü isə Çinarə Alıyeva - Dilkeş təsnifi ("Baxçalarda gül gərək"), Qənbər Axundov - Əraq təsnifi ("Həştərxandan gələn gəmi"), Almaxanım Əhmədli - Bayatı-isfahan təsnifi ("Onu demə zalım yar"), Məcid Əsri - Zabul təsnifi ("Bir bəyaz gərdənli"), Türkan Orucova - Dilkeş təsnifi("Dağlarda Maral gəzər"), Pərviz Qasımov - Şikəsteyi fars təsnifi ("Dad əlindən, ay gözəl"), Nüşabə Kərimova - Segah təsnifi ("Endim bulaq başına"), Taleh Hüseynli - Şur təsnifi ("Can vermə qəmi eşqə ki..."), Arzu Mahmudova - Dilkeş təsnifi ("O gözünə qurbanam gəl"), Fərhad Ramazanov - Zabul təsnifi ("Bu dağlar olmayaydı, saralıb solmayaydı") ifa edib. 
Münsiflər hər çıxışdan sonra öz fikirlərini bildirərək, ifalara qiymət verib. 
Həftənin sonunda Valid Abdullayev, Rəvanə Əmiraslanlı, Almaxanım Əhmədli, Məcid Əsri, Türkan Orucova, Pərviz Qasımov 70 bal
Səma Sultanova 69 bal
Nüşabə Kərimova 68 bal
Fərhad Ramazanov 67 bal
Məftun Məmmədov 66 bal
Nurlan Namazov 65 bal
Vüsal Cəfərov 64 bal
Mirəli Sarızadə, Taleh Hüseynli 63 bal
Atlas Mehdiyeva 62 bal
Çinarə Alıyeva, Qənbər Axundov 59 bal
Arzu Mahmudova 56 bal toplayıb. 
Müsabiqənin qaydalarına görə ən az bal toplayan Arzu Mahmudova müsabiqədə iştirakını dayandırıb. 
Müsabiqənin növbəti dinləmələri 10, 13 aprel tarixlərində keçiriləcək.

470 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
17


























16