Məşhur müğənni boşandı - foto
Toy müğənniyə düşmədi
Təranə və Musa “Giveaway” keçirirlər - foto
"Oskar" incəsənətə aid deyil" - Nikita Mixalkov

Facebook instagram Twitter Youtube
ARTNEWS

Məşhurlar Bakı Şopinq Festivalına axın etdi - fotolar

10-04-2017


Bu gündən Azərbaycanda ilk dəfə olaraq Bakı Şopinq Festivalının keçirilməsinə start verilib. 

Muztv.az xəbər verir ki, mayın 10-dək davam edəcək festivalın ilk günündə İçərişəhərdə konsert proqramı təşkil olunub. Paytaxt sakinləri, şəhərimizin qonaqları üçün maraqlı anların yaşandığı proqramda bir sıra tanınmış incəsənət ustaları - əməkdar artist Natiq Şirinov, müğənnilər Murad Arif, Günay ibrahimli, Azad Şabanov, Cəbrayıl Rəsulov, Nura Suri, Rauf, Emiliya Yaqubova, Nurlan Növrəsli çıxış edib. 

Yerli məşhurlar, festivalla bağlı öz təəssüratlarını da bölüşüb. 


Murad Arif:
“Mən ümumiyyətlə festivallara müsbət yanaşıram. Yetər ki, bunun faydası olsun. Yetər ki, insanlar çox gəlsin. Sahibkarlarımızın biznesinə müsbət təsir göstərsin. Biz də canla-başla bu cür festivallara gəlib oxumağa hazırıq. Bakı şəhərində hər cür şərait var. Turistlərin faydalanacağı ticarət mərkəzlərimiz də var. Amma canlılıq yoxdur. Bu tipli aksiyalar gözəl bi piar gedişdir ki, ticarət mərkəzlərində əsl canlılıq yaradılsın. Insanlar toplansın. Bir də bu məsələnin müsbət tərəfi endirimlərdir. Çox adam bilir ki, yaxşı markalar var. amma qiymətlər münasib deyil. Endirim ənənələri gözəl bir şeydir. Misalçün, Avropada inanılmaz endirimlər olur. Güman edirəm ki, bu cür festivallar Azərbaycanda da endirim ənənəsi yarada bilər“.

Natiq Şirinov:
“Hamı kimi biz də sevinirik. Bu, Azərbaycan xalqının, Azərbaycan Respublikasının atdığı möhtəşəm addımdır. Biz bu gün həqiqətən çox xoşbəxtik. Firəvan bir dövlətdə yaşayırıq. Arzum odur ki, hamının üzü gülsün. Həmişə belə gözəl bayramlar keçirilsin. Biz də, gələcək nəslimiz də, balalarımız da baxıb ona sevinsinlər. İnanıram, gün gələcək belə festivallar Qarabağda keçiriləcək.“

Azad Şabanov: 
“Özüm alış-veriş etməyi sevirəm. Mənim kimi insanlar çoxdur. Odur ki, izləyicilərimi dəvət edirəm, gəlsinlər belə gözəl şoping festivalında iştirak etsinlər. Ən azından havalarını dəyişsinlər. “

Rauf:
“Çox əladır, çox şəndir. Baxmayaraq ki, hava bir az küləklidir, yenə də camaat gəlir, festival abu-havası hiss olunur. Buna görə də mən təşkilatçılara öz təşəkkürümü bildirmək istəyirəm ki, belə festivallar təşkil ediblər. Əslində çox olmalıdır. Insanlar bir yerə toplaşaraq daxili təmizlik, ruh yüksəkliyi yaratsınlar. Şopinq festivalınız mübarək. Hamınızı təbrik edirəm“.

Günay İbrahimli:
“Nəhayət ki, Azərbaycanda Bakı Şopinq Festivalının açılışı oldu. Hər kəsi dəvət edirəm. Bilirəm, endirimlər artıq başladı. Mən özüm də artıq brendlərə baxmışam. Hətta bir-iki mağazada seçimlərimi də etmişəm“.
Qeyd edək ki, festival Prezident İlham Əliyevin 2016-cı il sentyabrın 1-də imzaladığı "Azərbaycan Respublikasında turizmin inkişafı ilə bağlı əlavə tədbirlər haqqında" sərəncama uyğun olaraq keçirilir. Ticarət festivallarının keçirilməsində məqsəd Azərbaycanın turizm və iqtisadi potensialının yüksəldilməsi, sahibkarlıq fəaliyyətinin təşviq edilməsi ilə ölkənin ticarət dövriyyəsinin artırılmasının stimullaşdırılmasıdır.

Festival zamanı ilk dəfə olaraq Azərbaycan vətəndaşlarına da "tax free" sistemi tətbiq edilib.

Lamiyə BALACAYEVA
fotolar: Elkin ASKEROV



























































795 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
17


























16