"MTV Video Music Awards" bu dəfə hər zamankindən fərqli formada keçirilib.

Mtv.az xəbər verir ki, mükafatlandırma gecəsi pandemiya qaydalarına uyğun formada təşkil olunub.

Ulduzlar Nyu-Yorkun açıq havada olan zallarında çıxış ediblər. Bəzi ifaçıların çıxışları isə əvvəlcədən lentə alınıb. Səhnəyə çıxmazdan əvvəl isə ulduzlar qırmızı xalçadan keçiblər. Bu dəfə gecənin qonaqları Ledi Qaqa, Mayli Sayrus, Bella hadid, Meqan Foks, Nikol Riçi və başqaları olub.

Mərasimdə ifaçılar geyimləri ilə bir-biriylə yarışa giriblər. Ən çox isə onların taxdığı maskalar gündəm olub. Ən diqqətçəkən müğənni isə Ledi Qaqa olub. 9 nominasiyaya namizəd olan Qaqa bir neçə dəfə paltarlarını dəyişib.

O, "MTV-2020"nin 5 mükafatını qazanıb. Ledinin geyimlərindən çox maskaları medianın gündəmini bəzəyib.