Fatimə plastik əməliyyatlardan peşman oldu
Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video

Facebook instagram Twitter Youtube
EKSKLÜZİV

Yalçın Rzazadə: "Vəziyyətim yaxşı deyil" - MUZ TV Azərbaycan-a özəl açıqlama

28-11-2017


Xalq Artisti Yalçın Rzazadə MUZ TV Azərbaycan kanalına telefon vasitəsi ilə özəl açıqlama verib.

Muztv.az xəbər verir ki, səhhətində yaranan problemlərə görə Türkiyədə müalicə olunan sənətçi hazırda vəziyyətinin yaxşı olmadığını deyib.

Xalq Artisti həkimlərin narkoz səbəbi ilə onu əməliyyat etmək istəmədiyini açıqlayıb:

“Qan təzyiqim çox yuxarıdır, narkozdan ayılmamaq təhlükəsi var. Ürəyimdə, arteriyal damarımda, piylənmə səbəbi ilə ciyərimdə problem var. Öd kisəmdə daş böyüyüb, onu da əməliyyat etmək lazımdır. Qan təzyiqimə görə baş gicəllənmələri olur, hələlik əməliyyat təxirə salınıb”.

İfaçı əməliyyat üçün lazımı vəsaitə gəlincə bunları deyib:

“Ağlamağı sevmirəm. Toya getmirəm, restoranım, mağazam yoxdur. Prezident təqaüdü alıram, Azərbaycan Dövlət Mədəniyyət və İncəsənət Universitetində müəllim kimi işləyirəm. Yaxşı dostlarım var, bilirəm ki, lazım olsa mənə yardım edərlər. Gedib Türkiyədə qalanda dostlarım əlimi cibimə salmağa qoymurdu.”

Bu il sənət fəaliyyətinin 50 illiyini qeydə edən sənətçi sağlamlıq vəziyyətinə baxmayaraq, işlərinə davam etdiyini dilə gətirib:

“Çəkilişlərdə oluram, xeyli sayda təkliflər alıram. Mənə bir dəfə “əfsanəvi sənətkar” deyilməsi mənim üçün çox böyük sevincdir. Təzə mahnılar hazırlamışam, bu il 50 illiyim tamam olur. Yəqin ki, qeyd edəcəyəm proqramım, geyimim hər şey hazırdır”.

Yalçın Rzazadə Xalq Artisti Mələkxanım Əyyubovanın “Dünən sənətə gəlib, amma yanında telefonuna cavab verən var. Bu, hörmətsizlikdir” sözlərinə isə belə münasibət bildirib:

“Hər kəsin öz seçimi var. Mənim cangüdənim, prodüserim, menecerim heç biri olmayıb. Hamısını özüm etmişəm. İnsanların hamısı mənim üçün eynidir. Nazir də zəng etsə, fəhlə də özüm cavab verirəm”.

Xalq Artisti “Azərbaycan şou-biznesində kasıb müğənni yoxdur” sözləri ilə razılaşmadığını da dilə gətirib:

“Düzgün söz deyil. Mən şou-biznes adamı deyiləm. Toya az çağırılan müğənnilər var. Kim daha çox tanınır, onu daha çox dəvət edirlər. Bu maddi vəziyyətə təsir edir. Mən özüm tanıdığım müğənnilər var ki, kasıbdılar, güclə yaşayırlar”.

Bununla bağlı süjetə noyabrın 28-də MUZ TV Azərbaycan kanalında efirə gedəcək "Muz Life" verilişində baxa bilərsiniz.

Əhəd Miriyev
Günel Əliyeva

939 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti