Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video
Aktrisa ilə bağlı məhkəmə qərarı verildi

Facebook instagram Twitter Youtube
EKSKLÜZİV

Telekanallarda klip saatları yoxdur - Elvin Abdullayev MUZ TV Azərbaycan-a belə gileyləndi - özəl

27-11-2017


Müğənni Elvin Abdullayev MUZ TV Azərbaycan kanalına yeni işləri ilə bağlı açıqlama verib.

Muztv.az xəbər verir ki, ifaçı həmkarı Könül Kərimovanın repertuarından ifa etdiyi  “Dünya bizim dünyadır” mahnısına ekran həyatı verəcəyini deyib:

“Mahnımıza klip gözlənilir. Bilirsiniz ki, klip çəkdirməyi çox sevirəm. Tez-tez kliplər çəkdirirəm. Həzin mahnıdır qış fəsli gəlsin, qarı gözləyirəm mütləq yeni klip ərsəyə gələcək. Mahnının arajimanını Elvin Musayev edib”.

Müğənni kliplərini yerli klipmeykerlərə çəkdirməməyə çalışdığını dilə gətirib:

“Kliplərimi bizim klipmeykerlərə çəkdirməməyə çalışıram. Kliplərimi uzun illərdir Amerikada yaşayan dostum Givi Mağaraci ərsəyə gətirir. Mən oraya gedirəm, yaxud o buraya gəlir. “Yola ver getsin” klipim üçün buraya gəlmişdi. Onun işləri xoşuma gəlir. Bizim klipmeykerlər baha çəkirlər. Azərbaycanda bir neçə klipmeykerlər var ki, Əli Fərhad, Cəlal Kəngərli onlar məni qane edir. Görüntülər, rənglər, mövzu mənim üçün önəmlidir.”

On iki illik sənət fəaliyyəti dövründə konsert verməyən sənətçi bunun səbəbini belə açıqlayıb:

“Konsert mövzusu biraz mənim yaralı yerimdir. Konsertim olmayıb, hələ belə bir şey gözlənilmir.  Konsert vermək üçün maddiyat və sponsor tələb olunur. Sponsorum yoxdur kliplərim, mahnılarım hamısı öz hesabıma ərsəyə gəlir. Böyük işlər üçün sponsora ehtiyacım yoxdur. Xırda işləri özüm də həll edirəm. Konsertə isə büdcəm kifayət etməz. Çox istəyərdim ki, öz tamaşaçılarıma, sevənlərimə konsert verim. Hara gedirəmsə, hamı məndən konsert tələb edir”.

“Artıq albom deyilən bir şey yoxdur. Albomu da aldılar əlimizdən” söyləyən sənətçi telekanallarda klip saatlarının olmamasından gileylənib:

“Mən klip çəkdirəndə sənət dostlarım həmişə mənə deyir ki, “Azərbaycan telekanallarında klip saatları yoxdur. Pulundan bezmisən bu qədər klip çəkdirirsən” bu məni qətiyyən narahat etmir. Ən azından “You Tube” portalında kliplərimi yerləşdirirəm, baxış sayları da az deyil”.

Bununla bağlı süjetə noyabrın 27-də MUZ TV Azərbaycan kanalında efirə gedəcək "Muz Life" verilişində baxa bilərsiniz.

Günel Əliyeva







768 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti