Fatimə plastik əməliyyatlardan peşman oldu
Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video

Facebook instagram Twitter Youtube
EKSKLÜZİV

Sevgidən şikayətlənən müğənni - Murad Sadıx MUZ TV Azərbaycan-a çətinliklərindən danışıb

01-12-2017


Fiziki məhdudiyyəti olan müğənni Murad Sadıx MUZ TV Azərbaycan kanalına telefon vasitəsi ilə özəl açıqlama verib.

Muztv.az xəbər verir ki, özəl klinikaların birində təmənnasız olaraq müalicə olunan ifaçı hazırda əsasız iki-üç addım yeriyə bildiyini vurğulayıb:

“Orada peşəkar həkimlər fəaliyyət göstərirlər. Uzun müddətdir əsa ilə gəzirdim. İndi demirəm ki, tam əsasız gəzə bilirəm, ancaq iki-üç addım əsasız gəzə bilirəm”.

Müğənni müalicə olunduğu müddət pəhriz saxlamağa məcbur olduğunu vurğulayıb. İfaçı gələn ilin yanvarında ayağından əməliyyat olunacağını dilə gətirib:

“Mənə sərbəst gəzməkdə maneəçilik törədən ayaq damarlarım götürüləcək. Həkimlər çalışırlar ki, heç olmasa səhnəyə ayaqüstə çıxım”.

Mahnılarının çoxunda sevgidən şikayətlənən sənətçi “Sevdalım” adlı yeni mahnısını yaxın zamanda izləyicilərin ixtiyarına verəcəyini deyib:

“Mahnının musiqisi İmruzə Hüseynova, sözləri isə Nazim Zeynalovaya aiddir. “Xatirəm olacaq” adlı mahnının sözləri də onlara məxsusdur. Bu artıq ikinci işimizdir”.

Müğənni “Yalan tək” adlı mahnısının bu il “ilin ən yadda qalan ifası” seçildiyini söyləyib.

İfaçı klip ərsəyə gətirməkdə çətinlik çəkdiyini deyib:

“Klip məsələsi çətindir. Ona görə ki, maddiyat mütləqdir. O baxımdan biraz çətinlik çəkilir. Qazanc yoxdur, olsa hər şey edərəm. Mənim səs diapazonum buna imkan yaradır”.

Müğənni Aleksandr Serov ilə dost olduğunu və onun vasitəsilə rusiyalı bəstəkar İqor Krutoyun bəstələrini ifa edə biləcəyindən də söz açıb:

“İqor Krutoy və İqor Nikolayev də bilir ki, “Ya lyublyu tebya do slez” mahnısını Aleksandr Serovdan sonra Azərbaycanda və Rusiyada mən ifa etdim. Çoxları dedi ki, “Mən onu yamsılamışam”. İqor Krutoy mahnını necə bəstələyibsə, mən də elə ifa etmişəm. Ancaq bu gün o mahnını biyabrçı vəziyyətə qoyurlar”.

Bununla bağlı süjetə dekabrın 1-də MUZ TV Azərbaycan kanalında efirə gedəcək "Muz Life" verilişində baxa bilərsiniz.

Əhəd Miriyev
Günel Əliyeva

782 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti