Fatimə plastik əməliyyatlardan peşman oldu
Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video

Facebook instagram Twitter Youtube
EKSKLÜZİV

“Qismət” qrupu MUZ TV Azərbaycan-ın yeni “Acoustic Time” verilişində canlı ifa edəcək 

30-11-2017


MUZ TV Azərbaycan kanalının hazırladığı yeni layihədə “Qismət” qrupu yer alacaq.

Muztv.az xəbər verir ki, “Acoustic Time” adlı yeni verilişin məşqlərinə başlayan qrup üzvləri  hazırlıq zamanı telekanalın “Muz Life” verilişinə açıqlama verməyi verməyi unutmadılar. İlk dəfə efir vasitəsilə canlı solo konsert verməyə hazırlaşan “Qismət” qrupu tamaşaçılara unudulmaz dəqiqələr yaşadacaqlarına əmindirlər.
Qrupun üzvü Tural qismət fikrini belə izah edib:

“Gözəl bir konsertə hazırlaşırıq. MUZ TV-də yayımlanacaq “Acoustic Time” verilişində canlı ifa edəcəyik. Bir neçə dəqiqədən sonra bizim məşq prosesimizdə də iştirak edərsiniz. Düşünürəm ki, telekanallar içərisində bu, bir yenilikdir. Hər kəsə, həmçinin özümüz üçün  çox maraqlı olacaq. Çünki belə canlı konsertimiz heç vaxt olmayıb. İlk dəfə MUZ TV-də olacaq”

Geyimləri ilə işıq saçan qrup üzvlərindən "hansı stilistlə işbirliyi qurmalarını da soruşduq:

“Stilistimiz Zemfira Qurbanovadır. Ona təşəkkür edirik. Çalışırıq ki, fərqli olsun. Dünya ulduzlarına da baxıb nələrisə örnək götürürük”.

Qrup üzvləri Xalq Artisti Səməd Səmədovun yaratdığı “Qismət” qrupundan illər əvvəl aralarında yaşanan mübahisəyə görə yollarını ayırmışdılar. Hətta Səməd Səmədov açıqlamalarının birində qrup haqqında bu sərt açıqlamanı vermişdi: “Bir az pul qazanıblar, başları fırlanıb. Elə bilirlər ki, bitdi, daha Səməd lazım deyil. Reklam etdim, amma əlimin duzu yoxdur. Kaş bunlara baş qoşan yerdə mənim boynum-ayağım sınardı”.

Daha  sonra onlar barışığa imza atmışdılar. Bəs görəsən  hazırda Səməd müəllim və “Qismət” qrupu arasında vəziyyət nə yerdədir?

“Səməd müəllimlə indi münasibətimiz yaxşıdır. Çəkişməsən, bərkişməzsən. Mübahisələrin axırı mehribançılığa gətirib çıxarır. Artıq bərkişmişik. Hətta ailədə də mübahisələr olur” - Tural Qismət belə deyib. 

Xatırladaq ki, müğənni Xəyyam Nisanov açıqlamasında “Şou-biznesdə kasıb müğənni yoxdur” demişdi. Qrup üzvləri, o cümlədən Rəşaq Sadıqov bu fikirlə razılaşmadıqlarını söyləyiblər.

Bununla bağlı süjetə noyabrın 30-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Sevda Məmmədova
 



868 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti