Polşada fəaliyyət göstərən “Mədəniyyət Tanıtma Mərkəzi” (Centrum Promocji Kultury) oktyabrın 18-də Azərbaycan istehsallı olan “Əbədi ezamiyyət” sənədli filmini nümayiş etdirəcək.

Mtv.az xəbər verir ki, filmin nümayişi Azərbaycanın Polşadakı səfirliyinin dəstəyi ilə həyata keçiriləcək.

Film Azərbaycan Xalq Cümhuriyyətinin beynəlxalq miqyasda tanıdılması məqsədi ilə 1919-cu ilin yanvarında parlamentin sədri Əlimərdan bəy Topçubaşovun rəhbərliyi ilə Paris Sülh Konfransına ezam olunmuş nümayəndə heyətinin taleyindən bəhs edir. Ekran əsəri xalqımızın dünyəvi və demokratik dəyərlərə XX əsrin əvvəlindən sahib olduğunu göstərir.

Filmə giriş pulsuzdur.