Beren və Kənan sevindilər
Özcan Dəniz pərəstişkarlardan qorunacaq
Təranə və Musa hovuzda şəkil çəkdirdilər
Azad Şabanov nişanlısı ilə - foto

Facebook instagram Twitter Youtube
GÜNDƏM

Daşkənddə Azərbaycan konserti - fotosessiya

04-06-2019


Daşkənddəki Heydər Əliyev adına Azərbaycan Mədəniyyət Mərkəzinin (AMM) təşəbbüsü ilə Sırdərya vilayətinin mərkəzi Gülüstan şəhərindəki Nəvai adına mərkəzi parkda “Azərbaycan mədəniyyəti və ədəbiyyatı günləri”nin açılışı olub.

Mtv.az xəbər verir ki, mədəniyyət günləri çərçivəsində “Azərbaycan sənsən mənim ülviyyətim” adlı sərgi təqdim olunub. Sərgidə milli mədəniyyətimiz, habelə ölkəmizin əldə etdiyi nailiyyətlər, milli dövlətçiliyimizlə bağlı nəşrlər, xalçalar, suvenirlər, milli geyimlər nümayiş etdirilib.

Sırdərya vilayət Hakimiyyətinin dəstəyi ilə keçirilən tədbirdə şəhər hakimiyyətinin rəhbərliyi, vilayət ictimaiyyətinin nümayəndələri, ziyalılar, təhsil və mədəniyyət işçiləri, yerli azərbaycanlılar, jurnalistlər iştirak ediblər.

Sırdərya vilayət hakiminin müavini Otabek Abduqaniyev Azərbaycan mədəniyyətinə həsr olunan belə tədbirlərin əhəmiyyətindən danışıb, vilayətdə digər millətlər kimi azərbaycanlıların da yaşadığını və onların bölgənin inkişafına öz töhfələrini verdiklərini söyləyib. Natiq Özbəkistan rəhbərliyinin apardığı siyasət nəticəsində ölkədə yaşayan bütün millətlərin dostluq, mehribanlıq şəraitində, bir ailə kimi yaşadığını bildirib. O Azərbaycan mədəniyyətinin, adət-ənənələrinin özbək xalqına çox yaxın olduğunu da vurğulayıb.

AMM-nin direktoru Samir Abbasov “Azərbaycan mədəniyyəti və ədəbiyyatı günləri” haqqında məlumat verib, xalqımızın yaratdığı zəngin mədəniyyət, ədəbiyyat, onun bəşər sivilizasiyasına verdiyi töhfələrdən danışıb. O Şərqdə ilk demokratik cümhuriyyət quran, ilk operanın əsasını qoyan, dünya sivilizasiyasına təkrarsız mədəniyyət, ədəbiyyat inciləri ixrac edən, muğam, aşıq sənəti kimi nadir musiqi sənəti yaradan, zəngin dəyərlərə malik Azərbaycan xalqının nailiyyətlərindən danışıb. S.Abbasov Azərbaycan – Özbəkistan dostluğundan danışıb, xalqlarımızın daim yaxın olduğunu, müstəqillik əldə etdikdən sonra isə ulu öndər Heydər Əliyevin xidmətləri sayəsində bu dostluğun daha da möhkəmləndiyini qeyd edib.

Daha sonra bədii hissə iştirakçılara təqdim edilib. Azərbaycan milli geyimlərinin moda sərgisi nümayiş olunub. Sırdırya filarmoniyasının gənc qızları Azərbaycanın, habelə onun Qarabağ bölgəsinin xanım və bəy geyimlərini nümayiş etdiriblər. Dəb sərgisi böyük maraq yaradıb.

“Türkün gəlişi” adlı konsert proqramında Azərbaycanın əməkdar artistləri Bəyimxanım Vəliyeva və Ehtiram Hüseynov çıxış ediblər. Onları Mədəniyyət Mərkəzinin nəzdindəki “Azərbaycan qızları” rəqs ansamblı müşayiət edib. Konsertdə Vətən, dostluq haqqında musiqilər ifa edilib. Azərbaycan və özbək musiqilərini ifa edən musiqiçilərimiz alqışlarla qarşılanıb.

Tədbirin sonunda Sırdərya vilayət hakimiyyəti adından azərbaycanlı qonaqları təltif edib, onlara özbək milli geyimləri-çapan bağışlanıb.

Özbəkistanda “Azərbaycan mədəniyyəti və ədəbiyyatı günləri” davam edir. (Azərtac)













53 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
18 İyul


17 İyul