Aktyor "Çukur"dan ayrıldı
Fərda ünvanına yazılan təhqirlərdən danışdı
Nadir oğluna xanım tapmaqda çətinlik çəkir
Aktyor internetdə aldadıldı

Facebook instagram Twitter Youtube
GÜNDƏM

“Jazz Across Borders” caz forumu keçirildi

20-11-2019


Sankt-Peterburqda VIII Beynəlxalq Mədəni Forum çərçivəsində keçirilən daha bir mədəni-ictimai hadisə - “Jazz Across Borders” adlı caz forumu olub.

Mtv.az xəbər verir ki, noyabrın 15-16-da şəhərin bir sıra konsert salonlarında və klublarında silsilə konsertlər təqdim olunub. Caz forumun tədbirlərində ölkəmizi Bakıda yenicə fəaliyyətə başlamış “Jazz’ın Dostları” İctimai Birliyinin üzvü, jazz.az saytının baş redaktoru, sənətşünaslıq üzrə fəlsəfə doktoru Turan Məmmədəliyeva təmsil edib.

Turan Məmmədəliyeva bildirib ki, artıq üçüncü dəfə keçirilən “Jazz Across Borders” beynəlxalq caz forumu müxtəlif ölkələrin musiqiçiləri və caz musiqi yaradıcılığı ilə caz prodüserlərini, media mütəxəssislərini, tənqidçilərini bir araya toplayaraq bu musiqi sahəsinə daha da artan marağı və professional diqqəti təsdiqlədi. Xatırladaq ki, foruma bir çox məşhur beynəlxalq caz təşkilatları və brendləri tərəfdaş qismində qoşulmuşdur. Bunlardan Europe.Jazz.Network, Igor Butman Music Group, Igor Butman Jazz Club, Casio,Colisium International Music Forum, informasiya partnyorları kimi isə Jazz.Ru portalı, Sankt-Peterburq telekanalı, Radio Monte-Karlo 105,9 FM və başqaları qeyd oluna bilər.

Forumun hər iki günü caz təhsili, yeni fəaliyyətə başlayan caz ifaçılarının tərbiyəsi və böyük səhnəyə gəlişi, caz mühasibatı və digər mövzularla bağlı diskussiyalar, dünya şöhrətli caz trampet ifaçısı Till Brönnerin, rus caz zərbçisi Aleksandr Maşinin ustad dərsləri, caz ulduzları və mütəxəssisləri ilə keçirilən görüşlər, müxtəlif ölkələrin gənc musiqi kollektivlərinin iştirakı ilə şoukeyslər və axşam qala-konsertləri keçirilib. Tədbirlər Freedom məkanında, qala konsertlər isə “Mariinka-2” teatrı və Sankt-Peterburq filarmoniyasının Böyük zalında baş tutub.



55 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
14 Dekabr


13 Dekabr