Müğənni evini satışa çıxardı
Model ona sevgi etirafı etdi
Nəsrin sevgilisinə stilistim və dostumdur dedi
​Dənizdə romantik anlar yaşadılar - foto

Facebook instagram Twitter Youtube
GÜNDƏM

Heydər Əliyev və Azərbaycan Bəstəkarlıq İttifaqı - foto

12-12-2019


Azərbaycan Bəstəkarlar İttifaqında ümummilli lider Heydər Əliyevin vəfatının 16-cı ildönümü münasibətilə “Heydər Əliyev və Azərbaycan Bəstəkarlıq İttifaqı” mövzusunda konfrans keçirilib.

Mtv.az xəbər verir ki, tədbirdə Azərbaycan Bəstəkarlar İttifaqının sədri, Xalq artisti, professor Firəngiz Əlizadə çıxış edərək müasir müstəqil Azərbaycan dövlətinin memarı və qurucusu, ulu öndər Heydər Əliyevin dövlətimiz və xalqımız qarşısındakı əvəzsiz xidmətlərindən danışıb. Bildirib ki, Heydər Əliyev ölkəyə rəhbərlik etdiyi bütün dövrlərdə Azərbaycan bəstəkarlarına diqqət və qayğı ilə yanaşıb. Ulu Öndər bütövlükdə, musiqi sənətimizin inkişafına mənəvi zəmin yaradıb. Ümummilli Liderin musiqimizə sonsuz vurğunluğu bu sahədə çalışanları yeni yaradıcılıq axtarışlarına ruhlandırıb. Dahi şəxsiyyətin Azərbaycan bəstəkarlarının və musiqişünaslarının əməyini təqdir etməsi, onların yaradıcılığını yüksək fəxri adlar və mükafatlarla dəyərləndirməsi bilavasitə Bəstəkarlar İttifaqının fəaliyyətinə verilən qiymətin bariz təzahürüdür. Onun şəxsi təşəbbüsləri ölkəmizin musiqi mədəniyyətinin inkişafına, zənginləşməsinə və beynəlxalq səviyyədə böyük müvəffəqiyyətlər əldə etməsinə öz töhfəsini verib.

F.Əlizadə vurğulayıb ki, Ulu Öndər bəstəkarların şəxsi dostu olub, onların bütün problemləri ilə yaxından maraqlanıb. Qeyd edilib ki, Ümummilli Liderin Qara Qarayev, Fikrət Əmirov, Niyazi və Müslüm Maqomayev kimi Azərbaycan musiqisinin korifeyləri ilə şəxsi dostluğu onlara yaradıcılıq axtarışlarında və yeni əsərlərin yaranmasında ilham verib.

Azərbaycan Bəstəkarlar İttifaqının katibi, Əməkdar incəsənət xadimi, professor Zemfira Qafarova 1975-ci ildə Üzeyir Hacıbəylinin ev-muzeyinin açılışı ilə bağlı xatirələrini tədbir iştirakçıları ilə paylaşaraq, Ümummilli Liderin Azərbaycan professional musiqisinin banisinin yaradıcılığına həsr etdiyi dərin məzmunlu çıxışının şahidi olduğunu bildirib. O, həmçinin qeyd edib ki, ümumiyyətlə, Heydər Əliyevin çıxışları həmişə analitik xarakteri və dərin peşəkar yanaşması ilə fərqlənib.

Çıxış edən digər natiqlər Ümummilli Liderin görkəmli mədəniyyət və incəsənət xadimləri ilə olan dostluğundan, bu sənətə verdiyi qiymətdən danışıb və Ulu Öndərlə bağlı xatirələrini bölüşüblər.

Çıxışlardan sonra tanınmış bəstəkarlar Lalə Cəfərova, Rüfət Ramazanov, İlahə İsrafilova və Azad Zahidin Ulu Öndərə həsr olunmuş əsərləri dinlənilib.

Sonda Ulu Öndərin ömür yolundan bəhs edən videoçarx nümayiş olunub.









265 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti