Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video
Aktrisa ilə bağlı məhkəmə qərarı verildi

Facebook instagram Twitter Youtube
GÜNDƏM

Rəşid Behbudovun mahnısı nəzarətə götürüldü

05-06-2020


Əqli Mülkiyyət Agentliyi Fereydoun Asraei adlı iranlı müğənninin azərbaycanlı müğənni, SSRİ xalq artisti Rəşid Behbudovun repertuarından olan “Küçələrə su səpmişəm” xalq mahnısını fars dilində ifa edərək “Dooset daram” adı altında fars mahnısı kimi təqdim etməsini nəzarətə götürüb.

Mtv.az xəbər verir ki, bunu Əqli Mülkiyyət Agentliyinin mətbuat katibi Elnur Məmmədli bildirib. 

Onun sözlərinə görə, məsələ agentliyin İdarə Heyətinin sədri Kamran İmanovun xüsusi nəzarətindədir:

“Bununla bağlı müvafiq bölməyə tapşırıq verilib. Məsələ tam ciddi araşdırılır. Araşdırma başa çatdıqdan sonra ictimaiyyətə geniş açıqlama veriləcək”.

Xatırladaq ki, Rəşid Behbudov Fondu İran telekanallarının “Küçələrə su səpmişəm”i fars mahnısı kimi təqdim edilərək mənimsənilməsi barədə məlumat yayıb:

“Mahnı kürd dilində subtitrlərlə “YouTube” kanalına yerləşdirilib. Rəşid Behbudovun repertuarında ən gözəl xalq mahnılarımızdan olan “Küçələrə su səpmişəm” mahnısını müdafiə etmək hər birimizin borcudur. Sizi bu haqsızlıqlara son qoymaqda bizə dəstək olmağa çağırırıq”.

36 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
11 İyul






















10 İyul