Sənubər “Evdə qalmış”a çəkilir - FOTO
Əməkdar artist Sənubər İsgəndərli Valeh Əhmədovun rejissorluğunu etdiyi “Evdə qalmış” filminin ikinci hissəsinə çəkilir.
Bu barədə Valeh Əhmədov özü məlumat verib.
Rejissor qeyd edib ki, tamaşaçılar Sənubər İsgəndərlini filmdə fərqli obrazda, yeni imicdə görəcəklər.
O filmdə Şahnisə obrazının anası rolunu ifa edəcək.
Filmdə həmçinin Xalq artisti Həmidə Ömərova, Əməkdar artist Mehriban Xanlarova, Kəmalə Piriyeva, Şəhriyar Əbilov, Kənan Yusifov, Sanura Cəfərova, Elçin Məmmədli, Nigar Əhmədova, Rüstəm Rüstəmov və başqaları rol alıb.
Xatırladaq ki, "Evdə qalmış" filminin birinci hissəsi 2023-cü ilin fevral ayında təqdim edilib. Film nümayiş olunduğu ilk gündən tamaşaçı rəğbəti qazanıb, kino tənqidçiləri tərəfindən yüksək dəyərləndirilib.
