Aktrisa 250 milyon dollar tələb edib

Aktrisa Bleyk Layvliyə cinsi zorakılıq iddiaları ilə gündəmə gələn rejissor-aktyor Castin Baldoni xəbəri yayan "The New York Times" nəşrini məhkəməyə verib.

O, qəzetə böhtan iddiası açaraq nəşrin öz şəxsi maraqlarına xidmət edən qeyri-dəqiqliklər, təhriflər və nöqsanlarla dolu məqalə dərc etdiyi üçün 250 milyon dollar tələb edib.

İddiada qeyd olunub ki, nəşr jurnalist dürüstlüyünə əməl etməyib və Layvlinin yoxlanılmamış və özünə xidmət edən hekayəsinə etibar edib.

"The New York Times" sözçüsü isə iddiadan güclü şəkildə müdafiə olunacaqlarını bildirib.