Hollivud aktyoru xanımını bağışlayıb

Qalmaqallı, dünyaca məşhur boşanmadan sonra Hollivud aktyoru Conni Depp keçmiş həyat yoldaşı, aktrisa Ember Hördü bağışlayıb.

Bu barədə aktyor son müsahibəsində deyib.

“Düzünü desəm, elə bu dəqiqə burada oturub bütün mənə qarşı olan hücumları və hamının necə olduğunu xatırlaya bilərəm. Sonsuz sayda şeylər sadalayaram. Bütün bunları xatırlaya bilirəm. Hər şeydən keçdim. Buna görə heç kimə qarşı pis hisslərim yoxdur. Mənim o qədər də nifrət ehtiyatım yoxdur, çünki nifrət daimi qayğı tələb edir. Bu baqajı niyə özümlə daşıyım?", - Depp vurğulayıb.

Xatırladaq ki, Ember və Conni 18 aylıq evlilikdən sonra 2017-ci ildə boşanıb. Uzun illər davam edən məhkəmədə Ember Conniyə qarşı böhtan atmaqda təqsirli bilinib və ondan keçmiş həyat yoldaşına 15 milyon dollar təzminat ödəməsi tələb olunub.