Model qırmızı bikinisi ilə günəşləndi - foto
Aktrisa Emma Stoun ərə gedir
Murad Arif "Eurovision"a getmək istəyir
Modelin fotosu səs-küy yaratdı

Facebook instagram Twitter Youtube
ULDUZ

Xalq artisti Yaşar Nuri ilə vida mərasimi...

22-11-2012


    Xalq artisti, bir çox filmlərdə unudulmaz obrazlar canlandıran sevimli aktyorumuz Yaşar Nuri vəfat edib. Uzun sürən xəstəlikdən sonra səhər saat 5 radələrində Respublika Mərkəzi Klinik xəstəxanasında dünyasını dəyişən sənətkar ölümü ilə bütün xalqını kədərə qərq edib. 
    Yaşar Nuri ilə vida mərasimi Akademik Milli Dram Teatrında keçirilib. Xalq artistinin ölümündən hüznlənən mədəniyyət və turizm naziri Əbülfəz Qarayev sevimli aktyorun ailəsinə başsağlığı verib. Vida zamanı xalq artisti, Akademik Milli Dram Teatrının Bədii Şura üzvü Azərpaşa Nemətov da öz xatirələrini bölüşərək bildirib ki, onu ən çox incidən məqam ötən il 60 illik yubilyeyi keçirilən xalq artistinin bu il eyni səhnədən cənazəsinin çıxmasıdır. Bu ölüm hər kəsdə təəssüf hissi doğursa da, Rəhimə xanım Nuriyeva ömür gün yoldaşını itirdiyi üçün daha böyük kədər içində olub. Xalq artistinin kiçik qızı Ülkər isə nə qədər çətin olsa da, atasının ölümündən bir gün öncə baş verənləri danışıb: “Səhhəti yaxşı olmasa da, dünən xəstəxanadan çıxanda onunla danışdıq. Dedi ki, səhər görüşərik”. 
    Aktyorun yaxınları, sevənləri, eləcə də sənət dostları bu gün həyatdan köçən, Azərbaycanının əvəzedilməz sənətkarı Yaşar Nurinin vida mərasimində iştirak edib. 
    Xalq artisti son mənzilə məhz ən çox sevdiyi məkandan yola salınıb və teatr səhnəsindən axırıncı dəfə böyük alqışlarla yüzlərlə insanın arasından II Fəxri Xiyabana aparılıb. Xatırladaq ki, Yaşar Nuri 2008-ci ilin mayında İstanbul klinikasında qaraciyərindən əməliyyat olunub. O, 2009-cu ilin sonu 2010-cu ilin əvvəli İstanbul Memorial xəstəxanasında müalicə alıb. Keçən ilin oktyabrında səhhəti yenidən pisləşən aktyor bu dövr ərzində 2 dəfə İstanbuldakı Amerika xəstəxanasına yerləşdirilib və mütəmadi olaraq Mərkəzi Gömrük Hospitalında həkim nəzarəti altında olub.
    61 yaşında dünyasını dəyişən xalq artisti 10 yaşından Azərbaycan televiziyasında uşaq verilişlərində iştirak edib. Tələbəlik illərində "Sevil"də Balaş, "Toy"da Salmanov və s. obrazları yaradıb. 
Teatr aktyoru kimi sevilən sənətkar eyni zamanda kino sahəsində də silinməz izlər qoyub. O, 50-dən çox bədii filmdə, 100-dən çox tamaşada rol alıb. Xalq artistinin yaratdığı obrazlar və çəkildiyi filmlər insanlar tərəfindən xüsusilə sevilib, yaddaşalara əbədi həkk olunub. Bunlara “Ad günü”, “Yaşıl eynəkli adam”, “Yaramaz”, “Ac həriflər”, “Fransız”, “Yarımştat” film və tamaşalarını misal göstərmək olar. Amma 1980-ci ildə çəkilmiş “Yol əhvlatı” filmindəki Makintoş və 1986-cı ildə çəkilmiş “Bəyin oğurlanması”nda İsrafil rolu aktyoru bir növ bu sənətin zirvəsinə qalıdırıb.


Səbinə Zöhrabqızı
Elfaq Lələyev

 

Muz-Tv.az 

1348 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
12 Dekabr


11 Dekabr