Model qırmızı bikinisi ilə günəşləndi - foto
Aktrisa Emma Stoun ərə gedir
Murad Arif "Eurovision"a getmək istəyir
Modelin fotosu səs-küy yaratdı

Facebook instagram Twitter Youtube
ULDUZ

Bu gün Polad Bülbüloğlunun doğum günüdür

04-02-2013


    Xalq artisti,  bəstəkar, Azərbaycanın sabiq Mədəniyyət naziri, Azərbaycanın Rusiyadakı fövqəladə və səlahiyyətli səfiri Polad Bülbül oğlu Məmmədovun doğum günüdür. Polad Bülbüloğlu 1945-ci il fevralın 4-də Bakıdasənətkar haminin sevimlisi və təkrarolunmaz səsin sahibi SSRİ xalq artisti Murtuza Muxtarovun ailəsində dünyaya göz açıb. Elə Bülbül soyadını da ifaçı atasının ləqəbindən götürüb. 1973-cü ildən Əməkdar İncəsənət xadimi, 1982-ci ildə Azәrbaycan SSR xalq artisti adlarına layiq görülüb.

    Sənətkar ilk dəfə böyük səhnəyə 1960 – cı ildə qədəm qoyaraq atasının akkompaniatoru kimi çıxış edib. 17 yaşı olarkən bu inanılmaz yeniyetmə özünün ilk mahnısını yazıb: “Moskva haqqında mahnı”, “Sumqayıt haqqında mahnı”, “Birinci görüş”, “Sabahın xeyir” bəstəkarın ən məşhur əsərlərindəndir. Polad Bülbüloğlu eyni zamanda yaxın dostu Müslüm Maqamayevə də bir neçə mahnı bəstələyib.

    Polad  Bülbüloğlu indi də dillər əzbəri olan bir sıra mahnıların müәllifi vә onların ifaçısı kimi tanınır. Sənətkar həmçinin kino-filmlәrә, dram tamaşalarına musiqi, simfoniya, simfonik poemalar bəstələyib. Bəstəkar 50-dən çox bədii filmə musiqi bəstələməklə yanaşı, bəzilərində  rol da alıb. Bunlardan  “Qorxma, mən səninləyəm” filmini xüsusilə məşhurdur.

    1989-cu ildә Azərbaycan Respublikasının Mədəniyyət naziri təyin edilən xalq artisti 2006-cı ildən etibarən bu fəaliyyətini Azərbaycan Respublikasının Rusiya Federasiyasındakı səfiri vəzifəsi ilə əvəz edib.

    Azərbaycanın Rusiyadıkı fövqəladə və səlahiyyətli səfiri Polad Bülbüloğlu Müqəddəs Knyaz Nevski mükafatına layiq görülüb.Səfir bu mükafata Rusiyanın Regionlararası İctimai Fondu tərəfindən layiq görülüb. Polad Bülbüloğlu Rusiya və Azərbaycan xalqları arasında sülhün, anlaşmanın qorunmasında, dostluq tellərinin möhkəmlənməsindəki xidmətlərinə görə təltif edilib.

   Moskvada yaşamasına baxmayaraq Bülbüloğlu hələ də musiqi ilə məşğuldur. 2010 – cu ildə onun yeni albomu “Oxuyurdu Bülbül...Oxuyur Polad Bülbüloğlu”. Bu albom tamamilə Azərbaycan xalq mahnılarından ibarətdir. Diskdə 14 məşhur mahnı var: “Həştərxan” – dan “Çal oyna” adlı mahnıya qədər bütün əsərlər burada yer alır.

   O, yaratdığı \"Məhəbbət və ölüm\" baletinin Rusiya Federasiyasının paytaxtı Moskva şəhərində tamaşaya qoyulması ilə böyük mədəniyyətimizə verdiyi samballı töhfəyə, ölkəmizin imici üçün göstərdiyi səylərdə mənəviyyət və vətənpərvərlik nəzər nöqtəsindən çıxış etdiyinə görə Azərbaycanda \"2009-cu İlin Adamı\" elan edilib.

   Biz də Muz Tv kanalı olaraq xalq artistimizi təbrik edir, ona uzun ömür, can sağlığı arzu edirik!

 

Sahilə Aslanova

 

Muz-Tv.az

2127 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
12 Dekabr


11 Dekabr