Model qırmızı bikinisi ilə günəşləndi - foto
Aktrisa Emma Stoun ərə gedir
Murad Arif "Eurovision"a getmək istəyir
Modelin fotosu səs-küy yaratdı

Facebook instagram Twitter Youtube
ULDUZ

Görkəmli bəstəkar Qara Qarayevin doğum günüdür

05-02-2013


    Görkəmli bəstəkar və pedaqoq, SSRİ Xalq artisti, AMEA-nın akademiki, müharibədən sonrakı dövr Azərbaycan mədəniyyətinin ən görkəmli nümayəndələrindən biri olan Qara Qarayevin doğum günüdür.

   Qara Qarayev 1918-ci il fevralın 5-də Bakı şəhərində məşhur həkim-pediatr Əbülfəz Qarayevin və Sona xanım İskəndər qızının ailəsində anadan olub. Görkəmli bəstəkar nəslində özünü musiqi sənətinə həsr eləmiş ilk adamdır.

Azərbaycan musiqisinə ümumdünya şöhrəti gətirən sənətkarlar arasında Qara Qarayev xüsusi yer tutur. Böyük bəstəkar, pedaqoq və ictimai xadim sənətdə daim yeni axtarışlar sorağında olub. Onun Nizaminin "Yeddi gözəl" poemasından bəhrələnərək yazdığı "Yeddi gözəl" və Cənubi Afrika yazıçısı Piter Abrahamsının romanı əsasında bəstələdiyi "İldırımlı yollarda" baletləri dünyanın bir sıra ölkələrində uğurla nümayiş etdirilib. Onun birinci simfoniyası Azərbaycanın ilk simfoniyaları arasındadır. Kamera orkestri üçün yazdığı Üçüncü simfoniya isə Azərbaycan musiqisinə dodekfoniya yazı üsulunun gətirilməsi ilə əlamətdardır. "Don Kixot" simfonik qravürləri, "Leyli və Məcnun", "Vyetnam süitası" əsərləri Qarayev yaradıcılığının dəyərli səhifələridir. "Don Kixot" və "Vyetnam süitası" əsərləri bəstəkarın eyni adlı filmlərə bəslədiyi musiqi əsasında yaradılıb. Bundan əlavə, o,  "Dənizi fəth edənlər". "Qızıl eşelon", "Xəzər neftçiləri haqqında povest", "Uzaq sahillərdə" və digər filmlərə də musiqi bəsləyib.

   Sənətkar opera janrında da özünü sınayıb. O, "Vətən" operasının və fransız yazıçısı Anri Barbüsün əsəri əsasında "Zəriflik" monooperasının müəllifidir. Bəstəkar həmçinin Azərbaycan musiqisi üçün yeni olan müzikl janrına müraciət edərək fransız dramaturqu Rostanın "Sirano de Brejerak" komediyası əsasında "Çılğın qaskoniyalı" müziklini yaradıb. Kamera instrumental janrları ilə maraqlanan Qara Qarayev 24 prelüd silsiləsi, skripka və fortepiano üçün sonata, simli kvartetlər  ərsəyə gətirib.Qarayevin Aleksandr Puşkinin şeirləri əsasında yaratdığı "Mən sizi sevirdim" və "Gürcüstan təpələrində" romansları, "Könül mahnısı", "Səadət mahnısı" kantataları Azərbaycan musiqisinin gözəl nümunələridir. Bəstəkar həmçinin Azərbaycan musiqisinin tədqiqinə dair məqalələt dərc etdirib və Elmlər Akademiyasının akademiki fəxri adına layiq görülüb.

1982–ci il mayın 13-də Moskva şəhərində dünyasını dəyişən Qara Qarayev Bakıda dəfn olunub.

 

 

 

Sahilə Aslanova

 

Muz-Tv.az

1175 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
12 Dekabr


11 Dekabr