Beren Saat və Kənan Doğulu birlikdə - foto
Keti Perri özünü şam ağacına bənzətdi - foto
Beyons konsert vermək istəmədi
Eldar saçını yaşıl rəngə boyadı - foto

Facebook instagram Twitter Youtube
ULDUZ

Bu gün Əliağa Vahidin doğum günüdür

18-02-2013


    Azərbaycan əməkdar incəsənət xadimi,  xalq şairi, qəzəlxan Əliağa Vahidin doğum günüdür. Görkəmli sənətkar 1895-ci ildə Bakıda dünyaya gəlib. Əliağa Vahid mollaxanada oxumağa başlayıb, daha sonra ehtiyac üzündən təhsilini yarımçıq qoyaraq xarratlıq edib.  Gənc yaşlarında Bakıdakı "Məcməüş-şüəra" ədəbi məclisində iştirak edən qəzəlxan Azər İmaməliyev, Müniri və başqa şairlərin təsiri ilə lirik şeirlər yazıb. Satirik şeirlərində ictimai nöqsanları, mövhumatı, zülm və haqsızlığı ifşa edən Vahidin "Tamahın nəticəsi" adlı ilk kitabı nəşr olunur.

   Əliağa Vahid yeni həyatı tərənnüm edən çoxlu şer: "Əsgər və fəhlə yoldaşlarıma", "Məktəb nə deməkdir", "Ucal, mələyim" və sairə əsərlər qələmə alıb,  "Kommunist" qəzeti, "Molla Nəsrəddin" jurnalı ilə əməkdaşlıq edib. "Kupletlər", "Mollaxana" kitablarındakı yer alan şeirlərində yeniliyə mane olanlar kəskin satira atəşinə tutulur. Böyük Vətən müharibəsi illərində yazdığı əsərlərdə Vahid Vətənə məhəbbət, düşmənə nifrət, qələbəyə inam hissləri təbliğ edirdi.

   Füzuli ənənələrinin davamçısı olan Vahid müasir Azərbaycan ədəbiyyatında qəzəl janrının görkəmli nümayəndəsidir. Qəzəlləri poetik dilinin sadəliyi, xəlqiliyi və ahəngdarlığı ilə seçilir, xanəndələrin repertuarında mühüm yer tutur. O, Nizami, Xaqani, Füzuli, Nəvai və başqalarının qəzəllərini Azərbaycan dilinə tərcümə edib.

   Qəzəlxanın bir sıra qəzəlləri və digər şeirləri Xəzər Universiteti Nəşriyyatı tərəfindən çap olunan Azərbaycan Sevgi Poeziyası toplusunun Birinci kitabına daxil edilib. Əliağa Vahid 1965-ci il oktyabrın 1-də vəfat edib.

 

Sahilə Aslanova

Vüsal Həşimov

 

Muz-Tv.az

1863 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
14 Dekabr










































13 Dekabr