Tarkan İstanbulda konsert verəcək
Dilarə açıq-saçıq fotolarından danışdı
Nigar yunan restoranında qabları qırdı - video
Elvis Presli haqqında animasiya serialı çəkiləcək

Facebook instagram Twitter Youtube
ULDUZ

Kim, harda, necə görüntüləndi?

29-08-2012


    Müğənni İzzət Bağırov bacısı oğlu Tahiri şou-biznesə gətirmək istəyir. Müğənninin sözlərinə görə, onun gözəl səsi var və tanınmış ifaçıların tələbəsi olub: "Tahir, həm xalq, həm də müəllif mahnılarını gözəl ifa edir. Amma istəməzdim ki, mənim yolumla getsin. Qoy o, öz seçimini etsin”.
İfaçı vurğulayıb ki, bacısı oğlu hələ sadəlövhdür və bilmir ki, şou-biznesdə onu nələr gözləyir.
    Nazim Pişyari yeni ifa etdiyi üç mahnıdan birinə klip çəkdirəcək. Bu barədə açıqlama verən müğənni: “Mən gözəl olan hər şeyi sevirəm. Bu səbəbdən də istəyirəm ki, kliplərim hamını heyran etsin və insanlar ondan zövq alsın” –deyə vurğulayıb. O, həmçinin qeyd edib ki, həmişəki kimi klipdə çəkilmək üçün gözəl qız seçəcək.
    Tanınmış türk aktrisası Çağla Şikel münsif olacaq. Muz Tv-nin Türkiyə mətbuatına istinadən verdiyi məlumata görə, aktrisa “Bu gün ne giysem” adlı verilişində jüri qismində çıxış edəcək. Aktrisa model olmaq istəyən namizədlərin geyimlerini müzakirə edib, ən zövqlü iştirakçını qalib seçəcək.
    Ancelina Coli və Bred Pit yayılan evlilik şayiələrindən sonra ilk dəfə Fransada şoppinq edərkən kameraların hədəfinə tuş gəlib. Cütlük övladları ilə çox xoşbəxt görüntülənib. Buna səbəb isə onların tezliklə reallaşacaq nikah mərasimidir. Ancelina və Bred Pitin sentyabrda Fransadakı Miraval malikanələrində ailə quracağı gözlənilir. Xatırladaq ki, 48 yaşlı Bred və 37 yaşlı Ancelina 2005-ci ildən bəri sevgilidir.
   Türkiyədən -bal ayından qayıdan müğənni Xatirə İslam hazırda Azərbaycanın bölgələrini gəzməkdə davam edir. Müğənninin meneceri Azər Kərimov bildirib ki, o, bölgələrdəki istirahətini təzə bəylə keçirir: “Türkiyədən gələndən sonra Xatirə həyat yoldaşı ilə Qəbələ, Şəki və başqa bölgələrdə dincəlir. Hazırda cütlük Şəkidədir”. Menecer onu da vurğulayıb ki, Xatirə İslam yeni mahnılarını hazırlayır və həmin ifalar sentyabrdan etibarən radio dalğalarında səslənəcək.  Qeyd edək ki, hələ ki, mahnının bəstəkarı və söz yazarının adı gizli saxlanılır.
   Müğənni Sevinc Ağaşirinova şəxsi həyatı ilə bağlı açıqlama verib: “Bu şəkildə gündəmdə qalmağı xoşlayan insanlardan deyiləm. Ona görə də heç vaxt şəxsi həyatım haqqında danışmıram. Bu mənim özəl həyatımdır və yalnız mənə məxsusdur, heç kimin də bu haqda danışmağa haqqı yoxdur".
   Klipmeyker Nail Naiboğlu sentyabrın ilk on günlüyündə Türkiyənin İstanbul şəhərinə köçəcək. O, qardaş ölkənin tanınmış müğənnisi Orxan Ölməzin rəhbəri olduğu prodüser mərkəzində çalışacaq. Bunun üçün rejissor bir illik müqavilə imzalayıb. Nailin sözlərinə görə, işləri yaxşı getsə, ailəsini də ora aparacaq. Klipmeykerin yenilikləri bununla bitmir. O, Azərbaycanda türkiyəli müğənni Yusuf Güneyin bir mahnısına ekran həyatı verməyi düşünür. Bu klipdə Rafet El Romanın da iştirakı gözlənilir.

 

Xəyalə Əzizova.

 

Muz-Tv.az
 

984 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
22




























21