Tarkan İstanbulda konsert verəcək
Dilarə açıq-saçıq fotolarından danışdı
Nigar yunan restoranında qabları qırdı - video
Elvis Presli haqqında animasiya serialı çəkiləcək

Facebook instagram Twitter Youtube
ULDUZ

“22 yaşında milyarder olan türkiyəli aktrisa kimdir?”

30-08-2012


    Azərbaycanın xalq artisti və dünyaca məhşur xanəndə Alim Qasımovun “İlahi” mahnısına çəkdirdiyi klip artıq hazırdır. Çəkilişlər İsmayıllının Buynuz kəndində və Qəbələdə aparılıb. Rejissor Nəsimi Əliyevin ekranlaşdırdığı “İlahi” klipi oktyabrda təqdim olunacaq. Qeyd edək ki, mahnının sözləri Baba Vəziroğluna, musiqisi isə Kamala məxsusdur.
   Əməkdar artist Almaz Ələsgərova İsveçrədən- böyük qızı Mədinənin yanından qayıdandan sonra yaradıcılıq işlərinə başlayıb. O, yeni ifa etdiyi mahnılardan ibarət albom hazırlayacaq. Müğənni bəstəkar Gövhər Həsənzadə, Nailə Mirməmmədli və Elçin İmanovun mahnılarına müraciət edib. Əməkdar artist həmkarlarının ailə qurub, boşanması məsələsinə də toxunub: “Müğənnilər də insandır. Hər bir insan ailə qurub, boşana bilər. Bu, təbii prosesdir. Biz də onlardan biriyik” .
    Tanınmış aktyor Barış Kılıç “Adını Feriha Qoydum” serialından uzaqlaşıb. Türkiyə mətbuatının məlumatına görə, buna səbəb onun “Merhaba Hayat” adlı başqa bir seriala dəvət alması olub. Qeyd edək ki, “Adını Feriha Qoydum”un “Kapitan Levent”i yeni serialdakı çəkilişlərə görə hazırda xüsusi dərslər alır və gündəlik məşqlər edir.
    Türkiyənin gənc və istedadlı aktrisası “Adını Feriha Qoydum” serialının qəhrəmanı Hazal Kaya 22 yaşında milyarder olub. Aktrisanin aylıq gəliri 80 min dollardır. Bununla kifayətlənməyən Hazal Kaya yaşadığı eşq məcarasından sonra aylıq gəlirini daha da artırıb. Bunun səbəbi isə daha çox gündəmdə olmasıdır. Hazal Kaya yeni mövsümdə çəkiləcəyi “Son yaz Balkanlar” serialında bir çoxları üçün xəyal kimi görünsə də, hər bölümə görə 20 min dollar məvacib alacaq.
    Müğənni Röya yenicə Türkiyədən qayıdıb. İfaçının prodüseri Kənanın sözlərinə görə, qardaş ölkədə aparılan klip çəkilişləri artıq yekunlaşıb. O, hansı mahnıya ekran həyatı verildiyini hələ ki, sirr saxlayır. Xatırldaq ki, son günlər müğənninin ən populyar mahnısı olan “Gizli Sevgi” üçün də klip çəkilişlərinə başlanılacaq. Bununla yanaşı Röya qardaş ölkədə yeni fotosessiya hazırlayıb. Lakin o, öz şəkillərini mediadan gizli saxlayır.
    Şou-biznes nümayəndələri bu dəfə arıqlamağın sirlərindən danışıb. Nadir Qafarzadənin sözlərinə görə, formada qalmaq ən ağrılı yeridir və çəkisi artanda onda komplekslər yaranır. Bu səbəbdən kalorili qidalardan uzaq olmağa çalışır. Emil Bədəlovun fikirlərinə gəlincə o, bir neçə dəfə pəhriz saxladığını bildirib. Müğənni vurğulayıb ki, buna baxmayaraq, ətrafındakı insanlar tez-tez onu kökəlməkdə günahlandırır. Elza Seyidcahan:"Çalışıram ki, axşam saat 6-dan sonra yemək yeməyim. İdmanla da məşğul oluram. Hazırda çəkim 60 kiloqramdır. Çəkiyə görə kompleksim yoxdur, çünki istədiyim vaxt arıqlaya bilirəm". Hüseyn Dərya isə deyib ki, yemək almağa pulu olmayanda arıqlayır. İlhamə Qasımova isə dietik kofe sayəsində çəkisini azaldır. O, idmanla da məşğul olur.  Abbas Bağırov da idmanla məşğul olaraq arıqlamağa üstünlük verənlərdəndir.

 

Xəyalə Əzizova

 

Muz-Tv.az
 

 

1069 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
22


























21