Əməkdar artist Məlahət Abbasova imkansız ailələrə yardım edərkn görüntülərini paylaşanları tənqid edib.

Mtv.az xəbər verir ki, Türkiyədə yaşayan aktrisa bu barədə "İnstqram"da canlı yayımda deyib.

Bir ailəni himayəsinə alan M.Abbasova bildirib ki, onların adlarını açıqlamağı düzgün saymır:

"Buranın mentaliteti fərqlidir. Burada yardımı demək ayıbdır. Türkiyəli məşhurlar nə qədər yardım edir: biri 100, biri 50, biri 500 min, biri 5 min ailəni himayəsinə alıb. Amma çəkib göstərmirlər, ayıbdır. Həmin insanların duası bəs edər. Bunu göstərmək doğru deyil.

Bir də indi kömək edib, sonra əlimi ailənin üstündən çəkim? Yardım edirsənsə, hər zaman et".