Bloqer Cesika Devis açıq-saçıq şəkildə
Reper futbol klubunun sahibi oldu
“Pulu xərcləmək qazanmaqdan çətindir" - Əməkdar artist 
Elton qalmaqallı açıqlamalar verdi

Facebook instagram Twitter Youtube
ULDUZ

Türkiyədə müalicə alan xalq artisti Bakıya qayıtdı

24-06-2012


     Akademik Milli Dram Teatrının aktyoru, “Şöhrət” ordenli, xalq artisi Yaşar Nuri Türkiyədə uzun müddət müalicə aldıqdan sonra, nəhayət ki,doğma Bakıya qayıdıb. Türkiyəli həkimlərin müşayiəti ilə gələn xalq artistini qarşılamaq üçün qızları, qohumları və Yaşar Nurinin yaxın dostu, xalq artisti Firəngiz Mütəllimova, eləcə də böyük bir jurnalst ordusu hava limanına gəlib. Jurnalistlərin qarşısına keçən şöhrət ordenli aktyor ayağa qalxıb və gülər üz ilə onları salamlayıb, hava limanında olan hər kəs xalq artistinin bu hərəkətini alqışla qarşılayıb. Özünü çox yaxşı hiss etdiyini deyən Yaşar Nuri hətta zarafatlarından da qalmayıb: “Orda azərbaycanlılar tez-tez mənə baş çəkirdilər. Firəngiz isə gündə 4 dəfə zəng edirdi, 3-ündə açırdım, birində açmırdım”. Muz tv olaraq xalq artistinə ünvanladığımız “Bu an ən çox nəyin sevincini yaşayırsınız?” –sualını o belə cavablandırıb: “Təyyarədən Bakıya baxmaq mənə zövq verdi. May ayında “Eurovision”a baxanda elə fəxr etdim ki! Buna görə cəsarətlə gəzirdim. Onsuz da həmişə cəsarətli yeriyirəm”. Bütün xalqına daha xəstələnməmək üçün əlindən gələni edəcəyini söyləyən aktyorun sözlərinə görə, bundan öncə etdiyi səhvləri təkrarlamayacaq: “Yenidən xəstələnməyimi deyə bilmərəm. Camaat vəd verir ki, sevirəm, sonra sevmir. Hər şey Allahın əlindədir. İstəyərəm xəstələnməyim. Həkim deyənlərə əməl etsəm, hər şey yaxşı olacaq. Ancaq daha əvvəl əməl etmədim və az qala bir gündə 7 dondurma yeyirdim və siqaret çəkirdim. Daha bunları etməyəcəm”. Türkiyədə olarkən xəstəxananın pəncərəsində saxladığı əməkdar incəsənət xadimi İlham Rəhimlinin onun haqqında yazdığı kitab haqqında da Yaşar Nuri təəssüratlarını bölüşüb: “Bu kitabı Türkiyədə hər kəs oxuyurdu. Doğrudur, belə tərifləri sevməsəm də, kitabı çox bəyəndim. İnşallah türk dilində nəşr edilməsi də gözlənilir”. Xalq artistini hava limanından evə aparmaq üçün təcili yardım maşını gəlib. Yaşar Nuri təcili yardımla getmək istəmədiyini söyləsə də, həkimlərin məsləhəti ilə buna razılıq verib. Biz də Muz tv ailəsi olaraq şöhrət ordenli xalq artistimizə şəfa diləyirik və hər zaman bizimlə birgə olmasını arzulayırıq.

Çinarə Nurməmmədova
Taleh Mahmudov

Muz-Tv.az  

936 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
20 Oktyabr


19 Oktyabr