Müğənni açıq-saçıq rəqslərinə görə qovuldu
Aktrisa yeni serialda rol alacaq
Fəqan Rusiyada evləndi - video
Aktrisa ilə bağlı məhkəmə qərarı verildi

Facebook instagram Twitter Youtube
ULDUZ

Mənsum İbrahimovun doğum günüdür

01-10-2015


    Xalq artisti, sevilən sənətkar Mənsum İbrahimovun doğum günüdür. Mənsum İbrahimov 1960-cı il oktyabrın 1-də Ağdamın İmamqulubəyli kəndində anadan olub. 1982-1987-ci illərdə Asəf Zeynallı adına Bakı Musiqi Texnikumunun muğam şöbəsində, 1988-1993-cü illərdə Mədəniyyət və İncəsənət Universitetinin "Mədəni Maarif" fakültəsində təhsil alıb. 1985-ci ildə Üzeyir Hacıbəylinin anadan olmasının 100 illiyinə həsr olunmuş müsabiqədə I dərəcəli diploma layiq görülüb. Şövkət Ələkbərovanın məsləhəti ilə Akademik Opera və Balet Teatrına dəvət olunub. 1993-cü ildən "Leyli və Məcnun" operasında Məcnun rolunu oynayır. Milli opera tamaşalarında ikinci dərəcəli rollarla səhnəyə qədəm qoysa da, hazırda əksər tamaşalarda aparıcı partiyaları ifa edir. "Leyli və Məcnun" operasında Məcnun, "Aşıq Qərib"də Qərib, "Gəlin qayası"nda Camal, "Sevil"də Azançı partiyalarını oynayıb. Opera səhnəsindəki fəaliyyəti ilə bərabər həm də xalq və bəstəkar mahnıları, muğamların gözəl ifaçısıdır. Dövlət səviyyəli tədbirlərdə, yubileylərdə tez-tez çıxış edir. Azərbaycan muğam sənətini dünyanın yaxın və uzaq ölkələrində mdash; İran, Türkiyə, İraq, Fransa, Belçika, Lüksemburq, Kipr, ABŞ və Kanadada yüksək səviyyədə təmsil edir. Bununla bərabər pedaqoji fəaliyyətlə məşğul olur. Azərbaycan Milli Konservatoriyasında və nəzdində fəaliyyət göstərən Musiqi kollecinin müəllimi kimi gənc muğam ustalarının yetişməsinə böyük əmək sərf edir. Yetirmələri Azərbaycanda keçirilən muğam müsabiqələrində uğurla çıxış edirlər. 1998-ci ildə əməkdar, 2005-ci ildə isə xalq artisti fəxri adına layiq görülüb. 2010-cu ildə Azərbaycan prezidentinin  sərəncamına əsasən Şöhrət ordeni ilə təltif olunub. 2012, 2014 və 2015-ci ildə Prezident Mükafatına layiq görülüb. Azərbaycan Milli Konservatoriyasının professorudur.

    Əməkdar artist Mananabundan sonra özünü aktrisa kimi də sınayacaq. Axşam.az-ın məlumatına görə, müğənni bu haqda açıqlamasında bildirib:“Xoşbəxtlik” adlı yeni mahnı oxumuşam. Mahnının sözləri İkram Əliyevin, musiqisi isə Givinindir. İngilis  dilində sözlərini isə mən tərcümə etmişəm. Bu mahnı bir gürcü rejissorun lentə alacağı filmin "soundtrack"i olacaq. Burada xalq artisti Polad Bülbüloğlu, SSRİ xalq artisti Nani Brekvadze, Vaxtanq Kikabidze, ukraynalı ifaçı Vera Brejneva və mən rol almışıq. Maraqlı bir ekran işidir".

   Əməkdar artist Abbas Bağırov yaxın dostu, müğənni Röya ilə fotosunu paylaşıb. İfaçı onunla bağlı fikirlərini bölüşüb: “Bu şəklə yazmağa heç bir söz tapmadım. Sadəcə onu demək istəyirəm ki, Röya, mən səni çox sevirəm. Əziz dostum, canım mənim”. R.Ayxan isə “Kim nə deyir desin, amma mən bu şəkli çox sevdim” cavabını verib.

   Rəqqasə Oksana Rəsulova sosial şəbəkədə uşaqlıq fotosunu paylaşıb. Sənətçi uşaqlığını xatırlayıb:“Bir az uşaqlığıma döndüm. Başa düşdüm ki, nə qədər ki, pis insanlar var, ondan da çox gözəlqəlbli adamlar mövcuddur. Allah hər kəsin ürəyincə versin. Bir də onu deyim ki, bu səhifədə mənəm – Oksana Rəsulova. Fikirlərimi sizinlə bölüşürəmsə, deməli siz mənə çox yaxınsınız. Hər kəsə təşəkkürlər. İnsanın qəlbi qırıla, inciyə bilər. Ulduzlar göydə olur, insanlar yerdə. Şəkildə isə 6 aylığam”.

   Oktyabr 25–dən noyabrın 3-dək paytaxtımızda Mədəniyyət və Turizm Nazirliyi və Azərbaycan Mədəniyyət Fondu tərəfindən Bakı Beynəlxalq Caz Festivalı keçiriləcək.Festivalın açılışı oktyabrın 25-də Heydər Əliyev Sarayında baş tutacaq. Festival çərçivəsində ABŞ, Kanada, Fransa, Almaniya, Hollandiya, Rusiya və Ukraynadan olan məşhur musiqiçilər şəhərimizin qonağı olacaqlar.

 

Əhəd Miriyev

 

MuzTv.az

744 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
11 İyul






















10 İyul