Yenicə solo karyeraya başlayan, bu zamana qədər Vaqif Gərayzadinin rəhbərlik etdiyi “W-trio” və “Aypara” qrupunda çalışan gənc müğənni Əminə Şirin unudulmağından gileylənib. ”Hamı məni yaddan çıxardıb. Yeganə şəxs Natavan Həbibidir ki, məni unutmayıb”- deyə o, açıqlamasında bildirib.
     Sentyabr ayına albom çıxartmağı planlaşdıran ifaçı işlədiyi bəstəkarlardan danışıb: “Mahnımın biri Kazımındır. Aynur Adilqızından da bir ifam olacaq. Türk ifaçısı Barış Kömürçüoğlu da mənə mahnı hədiyyə edib” –deyə müğənni əlavə edib.
Söz yazarlarına bu vaxta qədər müraciət etməyən Əminə deyəsən bundan sonra onlara üz tutmalı olacaq. Çünki bütün fikirlərini artıq sırf oxumağa yönəldib. Həmçinin müğənni sponsoru olmadığı üçün çətinliklə, pillə-pillə qalxdığını qeyd edib.

Ülviyyə Xəlilbəyli
Ramal Gülməmmədov

Muz-Tv.az