Ramiz Novruz: “Məni fərqli səpkili obrazda görəcəklər” - fotolar

Ən son rol aldığı “Vicdan haqqı” serialındakı obrazına görə kifayət qədər tamaşaçı kütləsi toplayan xalq artisti Ramiz Novruz sevənlərinə müjdə verib.

Muztv.az xəbər verir ki, aktyor tamaşaçılarının qarşısına yeni obraz və fərqli ampluada çıxacağını açıqlayıb:

“İnşallah ki, bir az ayrı səpkidə, bir başqa rejissorla işləyəcəyəm. Təklif var, təsdiq də olunub. Yeni mövsümdən başlamağı gözlənilir. Bu dəfə tamaşaçılar məni ciddi komediyada görəcək. Hər halda mən özümü belə bir rolda da sınamaq istəyirəm. Uğurlu olacağına inanıram, çünki rejissoruna inanıram. Tanınmış, sevilən rejissordur. Rejissor amili çox vacibdir. Aktyorlar bəzən deyirlər ki, bu aktyor yaxşı oynamadı, əslində elə olmur. İstedadlıdısa, yaxşı oynamalıdır, sadəcə aktyorun yerini düzgün müəyyənləşdirmək lazımdır . İşləyəcəyim rejissoru da hər kəs tanıyır, onun seriallarını görmüsünüz. Bir də gələcəkdə rejissor Rövşən İsaxla bir bədii film çəkəcəyik. Amma hələ rüşeyim halındadır, bu barədə danışmaq tezdir. Sevindiricidir ki, həm gənclər, həm orta nəsil, həm də yaşlı nəsil belə sıx zəncirvari şəkildə bir-biri ilə işləyirlər. Çox istedadlı, qürur duyulası gənclərimiz var, sadəcə onlara geniş meydan lazımdır ki, özlərini göstərsinlər”