İsraildə yaşayan xalq artisti ilə görüş keçiriləcək
İyunun 2-də S.Vurğun adına Azərbaycan Dövlət Rus Dram Teatrında Azərbaycan xalq artisti, hazırda İsraildə yaşayan Dina Tumarkina ilə görüş keçiriləcək.
Muztv.az Azərtac-a istinadən xəbər verir ki, tədbir İsrail-Azərbaycan Beynəlxalq Assosiasiyasının (“Azİz”) birgə təşkilatçılığı ilə reallaşacaq.
Dina Tumarkina 1932-ci ildə Odessada anadan olub, 1955-ci ildə Bakıya gəlib. Bakılıların sevimli aktrisası 1990-cı ilin əvvəlində İsrailə köçüb. Yaxın vaxtlaradək peşəkar fəaliyyətini davam etdirmiş aktrisa hazırda “Azİz” Assosiasiyası ilə fəal əməkdaşlıq edir. Dina Tumarkina bu yaxınlarda İsrailin Afula şəhərində Azərbaycan Mədəniyyət Mərkəzinin qonağı olub, sevdiyi şairlərin, o cümlədən Nizami Gəncəvinin, Səməd Vurğunun, Rəsul Rzanın şeirlərini oxuyub.
O, Natalya Puşkina (“Komandorun addımları”) roluna görə Dövlət mükafatına layiq görülüb. Aktrisa E.Ryazanov və E.Braginskinin “Taleyin istehzası və ya həmişə təmizlikdə” pyesində Nadya, Aleksandr Volodinin “İsanın anası” pyesində baş rolu, Anarın “Şəhərin yay günləri”ndə Dilarə, İ.Əfəndiyevin “Büllur sarayda” tamaşasında Qönçə xanım və digər səhnə əsərlərində yaddaqalan obrazlar yaradıb. Yaradıcılığı boyu 150-dək rolda çıxış edib. İsraildə müxtəlif teatrlarda 11 rol oynayıb, bunlardan 6-sı ivrit dilindədir. Dina Tumarkinanın yaradıcılığı Rus Dram Teatrı tarixinin bir hissəsidir.
Muztv.az Azərtac-a istinadən xəbər verir ki, tədbir İsrail-Azərbaycan Beynəlxalq Assosiasiyasının (“Azİz”) birgə təşkilatçılığı ilə reallaşacaq.
Dina Tumarkina 1932-ci ildə Odessada anadan olub, 1955-ci ildə Bakıya gəlib. Bakılıların sevimli aktrisası 1990-cı ilin əvvəlində İsrailə köçüb. Yaxın vaxtlaradək peşəkar fəaliyyətini davam etdirmiş aktrisa hazırda “Azİz” Assosiasiyası ilə fəal əməkdaşlıq edir. Dina Tumarkina bu yaxınlarda İsrailin Afula şəhərində Azərbaycan Mədəniyyət Mərkəzinin qonağı olub, sevdiyi şairlərin, o cümlədən Nizami Gəncəvinin, Səməd Vurğunun, Rəsul Rzanın şeirlərini oxuyub.
O, Natalya Puşkina (“Komandorun addımları”) roluna görə Dövlət mükafatına layiq görülüb. Aktrisa E.Ryazanov və E.Braginskinin “Taleyin istehzası və ya həmişə təmizlikdə” pyesində Nadya, Aleksandr Volodinin “İsanın anası” pyesində baş rolu, Anarın “Şəhərin yay günləri”ndə Dilarə, İ.Əfəndiyevin “Büllur sarayda” tamaşasında Qönçə xanım və digər səhnə əsərlərində yaddaqalan obrazlar yaradıb. Yaradıcılığı boyu 150-dək rolda çıxış edib. İsraildə müxtəlif teatrlarda 11 rol oynayıb, bunlardan 6-sı ivrit dilindədir. Dina Tumarkinanın yaradıcılığı Rus Dram Teatrı tarixinin bir hissəsidir.