Bu gün Oksana, sabah isə İslam desə də, ona rejissorluğu da kömək olmadı

"M Group Production"ın təşkilatı dəstəyi ilə ATV telekanalında yayımlanan "Maşın"ın növbəti qurbanı bəlli olub.

Muztv.az xəbər verir ki, bu gün tribunaya çıxan və oyunun əvvəlindən rəqqasə Oksana Rəsulovanı qərarsız olduğuna görə oyundan uzaqlaşdıracağını deyən rejissor Aqil M. Quliyev özü səs toplaya bilməyib "Maşın"a əlvida deyib.

2 saat ərzində yüksək səs faizi toplayan Aqil son saniyələrdə "getsin"ə daha çox səs yığaraq, 49.39% səslə yarışmanı tərk edib.

İslam və Oksananın üzündə təbəssüm, Elcan və Fərdada isə kədər hiss olunub.

Verilişin aparıcısı Murad Dadaşov da son anda dəyişən səs faizlərinə təəccübünü gizlətməyib. 

Buna baxmayaraq Aqil üçün "Maşın" əldən gedib.

"Yarımfinalda olan oyunçular isə bunlardır:

"Oksana Rəsulova, Fərda Amin, Elcan Rəsulov və İslam Mehrəliyev". 

Qeyd edək ki, şou hər gün saat 22:00-da ATV telekanalında yayımlanır.