Barselonada olan Məleykə Əsədova: "Ürəyimlə dəniz gəzintisindəyəm" - fotolar

İspaniyanın Barselona şəhərində qızı Gülərlə birlikdə istirahət edən xalq artisti, aktrisa Məleykə Əsədova sosial şəbəkədə maraqlı paylaşımlar etməyə davam edir.

Muztv.az xəbər verir ki, aktrisa İnstaqramdakı paylaşımlarında özünün və qızı Gülərin dənizi çox sevdiyini deyib:

"Mən dənizi və yaşıllığı çox sevirəm. Belə bir sual verə bilərsiniz ki, dənizi sevirsənsə, bağın niyə yoxdur? Bəli, dənizi sevmək üçün bağın olmaya da bilər. Mən şəhərdə də olanda Xəzər dənizinə saatlarla baxıram, həmişəki kimi ürəyimlə dəniz gəzintisindəyəm. Gülərim dənizi çox sevir. Mənim şirin, qara qızım, onun sevinci mənim üçün yaşamaqdır. Allahdan can sağlığı istəyirəm ki, gözəl qızımı hər zaman sevindirə bilim. Allah bütün balaları qorusun".