Gənc pianoçuların qalibləri yekun konsert verdilər - foto
Azərbaycan Dövlət Akademik Filarmoniyasında Gənc pianoçuların IV Respublika müsabiqəsi qaliblərinin yekun konserti keçirilib.
Mtv.az xəbər verir ki, konsertdən əvvəl mədəniyyət nazirinin müavini Rafiq Bayramov çıxış edərək müsabiqə haqqında məlumat verib. Bildirib ki, Mədəniyyət Nazirliyinin təşkilatçılığı ilə bu il dördüncü dəfə keçirilən müsabiqənin seçim turları may ayında ölkənin bir neçə şəhərində gerçəkləşib.
Müsabiqə iştirakçılarının ifa səviyyəsinin ildən-ilə artdığını fərəhli hal kimi dəyərləndirən nazir müavini qeyd edib ki, qalibləri seçmək üçün münsiflərin işi o qədər də asan olmayıb: “Seçim turunda fərqlənən gənclər iyunun 11-də əsas mərhələ üzrə Bakıda istedadlarını nümayiş etdiriblər. Müsabiqənin qalibləri ilk dəfə belə bir konsert proqramında çıxış edirlər”.
Rafiq Bayramov uğur qazanmış gənc pianoçuların valideynlərini, müəllimlərini və onların təhsil aldığı məktəblərin rəhbərliyini təbrik edib, yeni nailiyyətlər arzulayıb.
Sonra çıxış edən münsiflər heyətinin sədri, Əməkdar müəllim, professor Məmməd Quliyev 350 iddiaçının arasından 15 nəfər ifaçının qalib seçildiyini söyləyib. O, müəllim və valideynlərə təbriklərini çatdırıb, bugünkü qaliblərin əksəriyyətinin öz musiqi təhsilini davam etdirməsini, daha böyük sənət uğurları qazanmasını arzulayıb.
Daha sonra qalib pianoçuların ifasında konsert təqdim olunub. Üç yaş qrupu (10, 14, 17 yaş) üzrə nailiyyət qazanmış ifaçılar çıxış edib.
Konsertdə klassik Avropa bəstəkarlarının əsərləri ilə yanaşı, Azərbaycan bəstəkarlarının da fortepiano musiqisinə geniş yer verilib. Tədbirdə o da bildirilib ki, qaliblərin mükafatlandırılma mərasimi ayrıca keçiriləcək.
Mtv.az xəbər verir ki, konsertdən əvvəl mədəniyyət nazirinin müavini Rafiq Bayramov çıxış edərək müsabiqə haqqında məlumat verib. Bildirib ki, Mədəniyyət Nazirliyinin təşkilatçılığı ilə bu il dördüncü dəfə keçirilən müsabiqənin seçim turları may ayında ölkənin bir neçə şəhərində gerçəkləşib.
Müsabiqə iştirakçılarının ifa səviyyəsinin ildən-ilə artdığını fərəhli hal kimi dəyərləndirən nazir müavini qeyd edib ki, qalibləri seçmək üçün münsiflərin işi o qədər də asan olmayıb: “Seçim turunda fərqlənən gənclər iyunun 11-də əsas mərhələ üzrə Bakıda istedadlarını nümayiş etdiriblər. Müsabiqənin qalibləri ilk dəfə belə bir konsert proqramında çıxış edirlər”.
Rafiq Bayramov uğur qazanmış gənc pianoçuların valideynlərini, müəllimlərini və onların təhsil aldığı məktəblərin rəhbərliyini təbrik edib, yeni nailiyyətlər arzulayıb.
Sonra çıxış edən münsiflər heyətinin sədri, Əməkdar müəllim, professor Məmməd Quliyev 350 iddiaçının arasından 15 nəfər ifaçının qalib seçildiyini söyləyib. O, müəllim və valideynlərə təbriklərini çatdırıb, bugünkü qaliblərin əksəriyyətinin öz musiqi təhsilini davam etdirməsini, daha böyük sənət uğurları qazanmasını arzulayıb.
Daha sonra qalib pianoçuların ifasında konsert təqdim olunub. Üç yaş qrupu (10, 14, 17 yaş) üzrə nailiyyət qazanmış ifaçılar çıxış edib.
Konsertdə klassik Avropa bəstəkarlarının əsərləri ilə yanaşı, Azərbaycan bəstəkarlarının da fortepiano musiqisinə geniş yer verilib. Tədbirdə o da bildirilib ki, qaliblərin mükafatlandırılma mərasimi ayrıca keçiriləcək.