“Silk Road” orkestri Bakıda çıxış etdi - foto

Müslüm Maqomayev adına Azərbaycan Dövlət Akademik Filarmoniyasında “Silk Road” Kunmin Filarmonik Orkestrinin (Çin) konserti olub.

Mtv.az xəbər verir ki, musiqi gecəsində Rusiyanın Xalq artisti, violonçelçalan Sergey Rolduqin, pianoçu Miroslav Kultişev və truba ifaçısı İsrafil Rəsulov solo ifa ediblər. Orkestrə Əməkdar artist, beynəlxalq müsabiqələr laureatı Eyyub Quliyev dirijorluq edib.

Gecədə L.Himinq, X.Penq, D.Şostakoviç, Y.Haydn, R.Ştrausun əsərləri səslənib.

Konsert böyük maraqla qarşılanıb.