“Azərbaycan musiqisi və muğamı günləri” - foto
Özbəkistandakı Heydər Əliyev adına Azərbaycan Mədəniyyət Mərkəzinin (AMM) layihəsi, bu ölkənin Mədəniyyət Nazirliyi, Muğam Mərkəzinin dəstəyi ilə Daşkənddəki Mukimi adına Dövlət Musiqili Teatrda tədbir keçirilib.
Mtv.az xəbər verir ki, əvvəl tədbirdə iştirakçılar “Azərbaycan – Şərqin konservatoriyası” adlı sərgiyə baxıb, ölkəmizin zəngin musiqi ənənələri, muğam sənəti haqqında iştirakçılara məlumat verilib.
Sərgidə ölkəmizin bayrağı, ulu öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Azərbaycanın tarixi və mədəniyyəti ilə bağlı əsərlər, nümayiş etdirilib.
AMM-nin direktoru, Özbəkistandakı səfirliyimizin birinci katibi Samir Abbasov Şərqin zəngin musiqi ənənələrinə malik təkrarsız Azərbaycan incəsənətindən danışıb, muğam sənəti, onun dünyada tanıdılması ilə əlaqədar həyata keçirilən layihələr barədə məlumat verib. O, bu istiqamətdə Azərbaycan dövlətinin, Heydər Əliyev Fondunun dünyanın müxtəlif ölkələrində reallaşdırdığı təqdimat mərasimləri barədə məlumat verib. S.Abbasov Şərqdə ilk operanın əsasını qoyan, böyük mədəniyyət, ədəbiyyat yaradan xalqımızın istedadı, onun bəşər mədəniyyətinə verdiyi töhfələrdən söz açıb.
“Özbəkistan-Azərbaycan” Dostluq Cəmiyyətinin rəhbəri Erkin Nuriddinov, Respublika Muğam Mərkəzinin direktoru, professor Saibcon Bekmatov 1997-ci ildən Özbəkistanda hər iki ildən bir keçirilən Beynəlxalq “Şərq təranələri” Musiqi Festivalında dünyanın 80 ölkəsinin musiqiçiləri arasında daim Azərbaycan musiqiçilərinin fərqləndiklərini, yüksək mükafatlara layiq görüldüklərini qeyd ediblər. Deyilib ki, bu bir daha Azərbaycanın zəngin mədəniyyətə, musiqi sənətinə malik olduğunu sübut edir.
Daha sonra müxtəlif vaxtlarda “Şərq təranələri” Beynəlxalq Musiqi Festivalının azərbaycanlı qaliblərinin böyük konsert proqramı təqdim edilib.
Azərbaycanın Xalq artistləri Simarə İmanova (“Qran-pri”, Zabit Nəbizadə, (ikinci mükafat), Əməkdar artist, tarzən Sahib Paşazadə (Qran-pri), gənc xanəndə Pərviz Qasımov (birinci mükafat) Azərbaycan xalq mahnıları, muğam və təsniflərimizi ifa ediblər. Onları Əməkdar artistlər Malik Mansurov (tar), Kamran Kərimov (nağara), Ramin Rzayev (tar) və Elnur Mikayılov (kamança) müşayiət ediblər.
İfaçılarımızın çıxışları iştirakçılar tərəfindən alqışlarla qarşılanıb.
Konsert proqramı “Qarabağ şikəstəsi”nin ifası ilə başa çatıb.
Mtv.az xəbər verir ki, əvvəl tədbirdə iştirakçılar “Azərbaycan – Şərqin konservatoriyası” adlı sərgiyə baxıb, ölkəmizin zəngin musiqi ənənələri, muğam sənəti haqqında iştirakçılara məlumat verilib.
Sərgidə ölkəmizin bayrağı, ulu öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Azərbaycanın tarixi və mədəniyyəti ilə bağlı əsərlər, nümayiş etdirilib.
AMM-nin direktoru, Özbəkistandakı səfirliyimizin birinci katibi Samir Abbasov Şərqin zəngin musiqi ənənələrinə malik təkrarsız Azərbaycan incəsənətindən danışıb, muğam sənəti, onun dünyada tanıdılması ilə əlaqədar həyata keçirilən layihələr barədə məlumat verib. O, bu istiqamətdə Azərbaycan dövlətinin, Heydər Əliyev Fondunun dünyanın müxtəlif ölkələrində reallaşdırdığı təqdimat mərasimləri barədə məlumat verib. S.Abbasov Şərqdə ilk operanın əsasını qoyan, böyük mədəniyyət, ədəbiyyat yaradan xalqımızın istedadı, onun bəşər mədəniyyətinə verdiyi töhfələrdən söz açıb.
“Özbəkistan-Azərbaycan” Dostluq Cəmiyyətinin rəhbəri Erkin Nuriddinov, Respublika Muğam Mərkəzinin direktoru, professor Saibcon Bekmatov 1997-ci ildən Özbəkistanda hər iki ildən bir keçirilən Beynəlxalq “Şərq təranələri” Musiqi Festivalında dünyanın 80 ölkəsinin musiqiçiləri arasında daim Azərbaycan musiqiçilərinin fərqləndiklərini, yüksək mükafatlara layiq görüldüklərini qeyd ediblər. Deyilib ki, bu bir daha Azərbaycanın zəngin mədəniyyətə, musiqi sənətinə malik olduğunu sübut edir.
Daha sonra müxtəlif vaxtlarda “Şərq təranələri” Beynəlxalq Musiqi Festivalının azərbaycanlı qaliblərinin böyük konsert proqramı təqdim edilib.
Azərbaycanın Xalq artistləri Simarə İmanova (“Qran-pri”, Zabit Nəbizadə, (ikinci mükafat), Əməkdar artist, tarzən Sahib Paşazadə (Qran-pri), gənc xanəndə Pərviz Qasımov (birinci mükafat) Azərbaycan xalq mahnıları, muğam və təsniflərimizi ifa ediblər. Onları Əməkdar artistlər Malik Mansurov (tar), Kamran Kərimov (nağara), Ramin Rzayev (tar) və Elnur Mikayılov (kamança) müşayiət ediblər.
İfaçılarımızın çıxışları iştirakçılar tərəfindən alqışlarla qarşılanıb.
Konsert proqramı “Qarabağ şikəstəsi”nin ifası ilə başa çatıb.