Beynəlxalq “KiVin!” Festivalı start götürdü
Soçidə 31-ci Beynəlxalq “KiVin!” Festivalı start götürüb.
Mtv.az xəbər verir ki, hər il Soçidə keçirilən festival bu əfsanəvi oyunu oynayan komandaların ən iri toplantısıdır və ənənəyə görə, bu il də iki turdan ibarət olacaq. Qala-konsert yanvarın 23-ə nəzərdə tutulub. Orada əsas liqalara – ali və premyer liqalarına vəsiqə qazanmış komandalar çıxış edəcəklər.
Son illər Azərbaycan bu iri yarışın daimi iştirakçısına çevrilib. Azərbaycan Şən və Hazırcavablar Klubu sayəsində komandalarımız festival səhnəsində öz yaradıcılığını böyük müvəffəqiyyətlə təqdim edir, müxtəlif ölkələrin populyar liqaları ilə əməkdaşlığın sərhədlərini genişləndirirlər. Yeri gəlmişkən, bu müddət ərzində Beynəlxalq ŞHK İttifaqının bir çox tanınmış komandası Azərbaycanın əsas liqasında iştirak etməyə başlayıb.
Bu il Azərbaycan ŞHK-sı Soçiyə yeni kollektiv – “Sbornaya televizionnıx veduşşix” (“Televiziya aparıcıları yığması”) komandasını ezam edib. Yeni konsept - yeni ulduzlar. Komandanın bəzi iştirakçıları artıq Bakı çempionudurlar, digərləri Rusiyanın Birinci kanalında “Sbornaya Baku” komandasının heyətində çıxış ediblər.
Mtv.az xəbər verir ki, hər il Soçidə keçirilən festival bu əfsanəvi oyunu oynayan komandaların ən iri toplantısıdır və ənənəyə görə, bu il də iki turdan ibarət olacaq. Qala-konsert yanvarın 23-ə nəzərdə tutulub. Orada əsas liqalara – ali və premyer liqalarına vəsiqə qazanmış komandalar çıxış edəcəklər.
Son illər Azərbaycan bu iri yarışın daimi iştirakçısına çevrilib. Azərbaycan Şən və Hazırcavablar Klubu sayəsində komandalarımız festival səhnəsində öz yaradıcılığını böyük müvəffəqiyyətlə təqdim edir, müxtəlif ölkələrin populyar liqaları ilə əməkdaşlığın sərhədlərini genişləndirirlər. Yeri gəlmişkən, bu müddət ərzində Beynəlxalq ŞHK İttifaqının bir çox tanınmış komandası Azərbaycanın əsas liqasında iştirak etməyə başlayıb.
Bu il Azərbaycan ŞHK-sı Soçiyə yeni kollektiv – “Sbornaya televizionnıx veduşşix” (“Televiziya aparıcıları yığması”) komandasını ezam edib. Yeni konsept - yeni ulduzlar. Komandanın bəzi iştirakçıları artıq Bakı çempionudurlar, digərləri Rusiyanın Birinci kanalında “Sbornaya Baku” komandasının heyətində çıxış ediblər.