Xalq artisti efirlə bağlı təklif irəli sürüb

Xalq artisti Mənsum İbrahimov efirlə bağlı şuranın yaradılması təklifini irəli sürüb.

Mtv.az xəbər verir ki, bu barədə xanəndə qonaq olduğu televerilişin birində deyib.

O bildirib ki, buna səbəb efirdə bayağı mahnıların səslənməsidir:

“Bu, çox problemli məsələdir. Televiziyalarda sənətkarlardan və ziyalılardan ibarət ümumi şura yaradılmalıdır ki, efirdə bayağı mahnılar səsləndirilməsin. O zaman keyfiyyətsiz musiqi də olmaz. Keyfiyyətsiz musiqilər insanların zövqünü korlayır. Genefondumuza zərbədir. Gəncliyimizin tərbiyəsinə çox böyük mənfi təsir edir”.