"Röya fans" 25 il

Xalq artisti Röya Ayxan "Röya Fans" ın 25 ilini qeyd etmək üçün onları ətrafına topladı.

Tədbirdə sənətçi həmçinin media nümayəndələri ilə görüşərək, sualları cavablandırdı.Röya 2023-cü ilin onun üçün yadda qalan illərdən olduğunu bildirdi.

Röya Ayxan: "2023-cü il yadımda xüsusi ilə bütöv Azərbaycan olmağımızla yadda qaldı. Bu il verdiyim iki konsertlə də yadda qaldı. İkisi də çox çətin, zərif və yorucu iş idi - yəni həm mənəvi həm də maddi... Amma şükürlər olsun necə istəyirdiksə, elə də bu konsertləri keçirtdik. 7 il fasilədən sonra "CD" diskim işıq üzü gördü. Bir sözlə, heç bir yerim ağrımır".

Pop star 2024-cü ildən görün nə gözləyirmiş..

Röya Ayxan: "2024-cü il, "Əjdaha" ilindən məhəbbət gözləyirəm. Maraqlı enerji gözləyirəm... Nə bilim, hər şey gözləyirəm (gülür)"

Xalq artistindən bu qədər sevgini necə qazana bildiyini də soruşduq...

Röya Ayxan: "Allahı və məni sevən hər bir kəsi sevirəm. Heç kimin qəlbini sındıran adam deyiləm. Baxmayaraq ki, dəhşətli dərəcədə acı dilim var. Birinə cavab qaytarsam, həmin insan 3 gün yerindən qalxa bilməz. Ona görə də, ətrafımda heç zaman cangüdən olmur. Çönüb bir kəlimə söyləyərəm, həyatı bitər... Mənə toxunmayın, mən də sizə toxunmayım. Yaxşı insanlara Allah hər zaman ruzisini verir. Bir şey pis alınsa da dönəcək yaxşıya. Mənim kimi qız harada var? Həm xərcləsin, həm yesin-içsin, həm gəzsin, həm çəkib-göstərsin... Bir sözlə, hər şey etsin".

 Sənətçi  illər əvvəl meyxanaçı Vüqar Əbdülovla oxuduğu duetdən söz açdı:

"Meyxanaçı Vüqarla illər əvvəl duet oxumuşam. O dueti üzə çıxarıb, yada saldım ki, biz hər şeydə birinci olmuşuq. Meyxananı da biz birinci oxumuşuq". !!!

Ulduzumuz sözügedən bəstənin  hitə çevrildiyini də nəzərdən qaçırtmadı.

Röya Ayxan: "Mən Azərbaycan sənəti üçün yaxşı işlər qoyub gedəcəyəm. O mahnılar yenidən aranjiman edilsə belə, yenə də seviləcək. Mən bəzi insanlara başa salıram ki, gəldiyim ilk addımlarımdan bu sənətin bütün qollarından istifadə edən bir qız olmuşam. "W-trio" qrupunda olduğumda qızlarla dünya ulduzları Şadenin, Mariah Kerinin reperturarındakı məşhur mahnıları ifa edirdik. Mən bəmləri, qızlar zilləri... İstəsəm onu da belə oxuyaram. Sadəcə istəmirəm, çünki o duyğunu daşımaq lazımdır".

 k/A: Gecədə hər bir fanatına səmimi ünsiyyət  göstərən estrada ulduzu xatirə fotolar çəkdirib.

İfaçı gecədə sevənləri ilə birgə tort kəsdi.  Sevilən hitlərini ifa edərək birlikdə əylənən "Roya fans" mükəmməl gecə keçirdilər.