Bülbülün əziz xatirəsinə!

Azərbaycan Vokalçıları 3-cü Beynəlxalq Festivalı çərçivəsində sayca 6-cı konsert keçirilib.

Ölkəmizdə professional vokal sənətinin banisi Bülbülün əziz xatirəsinə həsr olunan "Bülbül Vokal Məktəbi" adlı konsert proqramı Azərbaycan Dövlət Akademik Filarmoniyasında baş tutub. Əməkdar artist Ramil Qasımovun bədii rəhbərliyi ilə təşkil olunan tədbirdə bir çox mədəniyyət və incəsənət nümayəndələri iştirak edib.

Konsert əsnasında Azərbaycanın klassik operalarından seçmələr səsləndirilib.

Proqram tamaşaçı marağı və gur alqışlarla yekunlaşıb.