“Tənqidlərə açığam”

Növbəti qonağımız hit mahnıların bəstəkarı və ifaçısı “şipşirin” ləqəbi ilə tanınan müğənni Elçin Cəfərovdur.

Məlahətli səsi və şən nəğmələri ilə könülləri fəth edən sənətçi mikrofonlarımıza maraqlı açıqlamalar verib. 

Yeni layihələrindən bəhs edən həmsöhbətimiz konsert planlaşdırırmı?

Görəsən Elçin Cəfərov problemlərdən çıxış yolunu nədə görür?

"Problemlər, kədərlənmək, sevinmək hamısı məndə musiqiyə bağlıdır. Gedərəm pianinonun arxasında oturaram  və yaxud oxuyaram, sakitləşərəm. Musiqi mənim bütün problemlərimi həll edir. Tənqidlərə çox açığam. Əslində sevirəm tənqid olunmağı. Niyə? Çünki bu tənqidlər əgər məni sevən adamdandırsa, xeyrimə nəsə deyirlərsə mən onu özümə yaxşı qəbul eləməliyəm, onu dəyərləndirməliyəm. İnsandan insana dəyişir." 

 İstedadlı müğənni sonda məşhur olmağa can atanlara üzünü tutdu.

"Hər kəs populyar olmaq məcburiyyətində deyil. Populyar olan insanlar var ki, onlar onu hak edirlər. Əgər insanın sənəti varsa, əziyyət çəkirsə bunu işıqlandırmalıdır." 

Qalmaqallardan uzaq gəzən və yalnız sənəti ilə adından söz etdirməyi bacaran müsahibimizə hər zaman belə qalmağı arzulayırıq.