Nuriyyə Əhmədovanı anırıq

Elə obrazlara həyat verib ki, adı səslənəndə tamaşaçı üzündə təbəssüm yaranır.Azərbaycanın xalq artisti, sevilən kinoaktrisa Nuriyyə Əhmədovanın anım günüdür.

Nuriyyə Əhmədova 1950-ci il Nuxada dünyaya göz açıb. Mühafizəkar ailənin övladı olan gənc xanım aktyor sənətinə yiyələnmək üçün böyük mübarizədən keçir. Valideynlərinin kəskin etirazlarına baxmayaraq Nuriyyə Əhmədova buna nail olur.

Daha çox epizodik rollar canlandıran sənətçi, eyni zamanda fərqli koloritli obrazlarla sənətinin haqqını verməyi bacarır…

“Həm ziyarət həm ticarət”də Nuriyyə, “Bəxt üzüyü”də Məsmə, “Yuxu” filmində Səriyyə obrazları ilə xalqın yaddaşına yazılır Nuriyyə xanım.

Rolları insanlara gülümsəmə gətirsə də təəssüf ki, xalq artistinin ağır həyatı olur. Sənətkar iki övladını gənc yaşında itirir. Buna baxmayaraq işi ilə güc tapan Nuriyyə xanım “Yerlə göy arasında” filminə də çəkilir.

Dəyərli aktrisamız Nuriyyə Əhmədovanı hörmət və sevgi ilə yad edirik!