“Qızıl qlobus” onların oldu

“Qızıl qlobus” mükafatının qaliblərinin kimliyi məlum olub.

İrlandiyalı aktyor Killian Mörfi “Oppenheymer” filmindəki roluna görə “Ən yaxşı aktyor” nominasiyası, Amerikalı aktyor Robert Dauni isə sözügedən filmdə ikinci planda ən yaxşı aktyor nominasiyasında “Qızıl Qlobus” mükafatına layiq görülüb.

Bundan başqa “Ən yaxşı rejissor” nominasiyası üzrə “Oppenheymer” bioqrafik dramının rejissoru Kristofer Nolan da “Qızıl qlobus” qazanıb.

“Oskar”dan sonra ikinci mühim mükafat olan “Qızıl qlobus” 1942-ci ildən etibarən Hollivudda akkreditə olunmuş 50 ölkəni təmsil edən jurnalistlərin seçdiyi kino və televiziya filmlərinə verilir.