Xalq artistinin doğum günüdür

Azərbaycanın xalq artisti, “Şöhrət” ordenli, gülərüzlü aktyor İlham Namiq Kamalın 74 yaşı tamam olur.

Hər birimiz onu Ayazın möhkəm dostu İlqar kimi tanıyırıq. Bəli, bəli söhbət “Qaynana” filmindəki İlqardan gedir.

Əslən Şamaxıdan olan aktyor 1949-cu ildə Bakıda dünyaya göz açıb. Azərbaycan Dövlət Teatr İnstitutunu bitirən İlham bəy bir çox məşhur tamaşa və filmlərdə rol ifaçısıdır.

Sənətkar  “Qızıl qaz” filmində bufetçi Əli, “Qaynana”da İlqar, “Evləri köndələn yar” tamaşasında Paşa Paşayeviç, “Bəyin oğurlanması”da səs operatoru və digər onlarla obrazı ilə xalqın qəlbini qazanıb.

İlham Namiq Kamal hal-hazırda ,1993-cü ildə qurub yaratdığı “İlham” Miniatür Teatrında bədii rəhbər, quruluşçu rejissor, eyni zamanda aktyor kimi fəaliyyət göstərir.  

Ömrün uzun,canın sağlam, üzün daim gülsün sənətkar!