Xalq artistinin doğum günüdür

Musiqimizin inkişafında böyük rolu olan, ilk dəfə mahnı janrına “Tanqo ritmləri” gətirən dəyərli bəstəkar Elza xanım İbrahimovanın anadan olmasından 86 il ötür.

Elza İbrahimova 1938-ci ildə Hacıqabul şəhərində anadan olub Hələ uşaq yaşlarından musiqiyə olan böyük sevgisi valideynləri tərəfindən dəyərləndirilir. Uyğun yaşa çatdıqdan sonra atası onu musiqi məktəbinə yazdırır. İllər sonra isə istedadlı gənc qız Üzeyir Hacıbəyov adına Azərbaycan Dövlət Konservatoriyasının bəstəkarlıq fakültəsinə qəbul olur. 

Azərbaycan dilində 1969-cu ildə bəstələdiyi ilk mahnısı “Yalan ha deyil” olub. Bu mahnının Xalq artisti Şövkət Ələkbərova tərəfindən ifa olunması bəstəkarı daha da ilhamlandırıb. 

“Gecələr bulaq başında”, “Sən mənə lazımsan”, “Bakının işıqları”, “Peşmanam” və bir çox sevilən mahnıların bəstəkarıdır.