“Molla Nəsrəddin” filmi çəkiləcək

TÜRKSOY Daimi Şurasının 40-cı iclasında alınan qərara əsasən, “Molla Nəsrəddin” filmi çəkiləcək.

Təşkilata üzv ölkələrin mədəniyyət nazirliklərinin və TÜRKSOY-un dəstəyi ilə ərsəyə gələcək ekran əsərinə Azərbaycanın Xalq artisti, tanınmış kinorejissor Vaqif Mustafayev quruluş verəcək.

Filmin çəkilişinə hazırlıq çərçivəsində Vaqif Mustafayevin rəhbərliyi altında ölkəmizdən nümayəndə heyəti bu günlərdə Türkiyəyə səfər edib. Ankarada TÜRKSOY-un iqamətgahında təşkilatın Baş katibinin müavini Sayit Yusufla görüş keçirilib. Film layihəsinin həyata keçirilməsi istiqamətində görüləcək işlər barədə fikir mübadiləsi aparılıb.