"Qadınım" melodramında nə baş verdi?

Azərbaycan Dövlət Akademik Musiqili Teatrında Türk dünyasının tanınmış yazıçı-dramaturqu Tuncər Çücənoğlunun "Matroşka" pyesi əsasında hazırlanan "Qadınım" tamaşasının premyerası baş tutub.

Musiqili lirik-psixoloji melodram kimi təqdim olunan səhnə əsərinin quruluşçu rejissoru Prezident mükafatçısı İradə Gözəlova, bədii rəhbəri Əməkdar incəsənət xadimi, fəlsəfə doktoru Əliqismət Lalayevdir. 

Bugünki premyeramız Tuncay Çücənoğlunun “Matroşka” pyesi əsasında “Qadınım” tamaşasıdır. Çox həyati pyesdir, çox sadə bir pyesdir, amma bu sadəliyin içində çox mürəkkəb, dərin bir mövzular var ki, biz yaşayırıq. O mövzuları mən çalışdım açmağa və ibrətamiz məqamlarda var cavanlar üçün. Burada baş verənlər həyatınızda yaşanmasın.

Tamaşanın süjet xətti sevgi və ehtiras dolu iki aşiqin öz hissləri uğrunda mübarizəsindən bəhs edir.

Türk retro musiqilərinin canlı ifa olunduğu səhnə əsərində teatrın gənc aktyorları Prezident mükafatçısı Əmrah Dadaşov, Gültac Əlili və teatrın xor artistləri rol alıblar.

Mən çalışıram ki, hər obrazı fərqli oynayım amma özümdən də bir parça qoyum o obraza. Mən orada əsas obrazlardanam. İki obraz var biri mənəm. Ümumiyyətlə tamaşada da üç iştirakçı var. Bir saat yarımlıq, türk musiqi ilə hazırlanmış tamaşadır.

Öz şəxsi xarakterimə uyğun məqamlar… Mən də insanlara hisslərimlə güvənirəm, heç vaxt məntiqimi işə salmıram, ağılla qərar vermirəm, tez inanıram və həyatımda baş verən pis hadisələrə rəğmən mən yenidən dirçəlirəm. İntiqam hissim oyanır.

Titr-Gültac Əlili/aktrisa

Tamaşanın quruluşçu rəssamı Vüsal Rəhim, xormeysterı Məlahət Qasımova, musiqi tərtibatıçısı Əmrah Dadaşovdur. Video görüntüləri isə Murad Həsənov hazırlayıb.