“Manqurt” Lənkəranda nümayiş olunacaq

Azərbaycan Respublikasının Mədəniyyət Nazirliyi regionlara təşkil olunan qastrol səfərlərini davam etdirir.

Akademik Milli Dram Teatrının, Çingiz Aytmatovun “Gün var əsrə bərabər” romanının motivləri əsasında hazırlanan “Manqurt” tamaşası qastrol səfərləri çərçivəsində fevralın 12-də Lənkəran Dövlət Dram Teatrında nümayiş olunacaq.

Səhnə əsərində əməkdar artistlər Mehriban Xanlarova, Elşən Rüstəmov, aktyorlar Ramin Şıxəliyev, Tural İbrahimov, Firuzə Balayeva, Elsevər Rəhimov iştirak edirlər.