Şövkət Ələkbərovanı anırıq

Əsrarəngiz, təkrarolunmaz səsi ilə Azərbaycanda dövrünün ən məşhur xanımı hesab edilən Şövkət Ələkbərovanın anım günüdür.

Xanım sənətçini birlikdə xatırlayaq. Şövkət Ələkbərova 1922-ci ildə Bakıda dünyaya göz açıb.  Atası Şövkət xanımın müğənni olmağını çox arzulayır. Buna görə də, balaca Şövkət kamança təhsili almağa başlayır. Daha sonra musiqi yarışında iştirak edən Ələkbərova ifa etdiyi “Qarabağ Şikəstəsi” ilə münsiflər sırasında olan Üzeyir Hacıbəyov, Səid Rüstəmov və Bülbülü valeh edir. İfaçının karyerası Dövlət xoruna qəbul edilməsi ilə  sürətli inkişafa başlayır.

Xalq artisti Axşam, Ayrılıq, Aldatmayaq bir-birimizi,Ay Qız, Bir könül sındırmışam, Gedək üzü küləyə və digər onlarla ifası ilə yaddaşlarda əbədiləşir.