Nisə Qasımova 70 yaşını qeyd edir

Azərbaycan musiqisinin əfsanəvi səsi, Xalq artisti Nisə Qasımova 70 yaşına qədəm qoyub.

Nisə xanım  1954-cü ildə Bakıda anadan olub. 8 yaşında Əfsər Cavanşirovun rəhbərlik etdiyi “Bənövşə” uşaq xorunun heyətinə qəbul edilib, 9 yaşında olarkən xorun gənc solisti olub. 

Ardıcıl olaraq solist kimi dəvətlər alan və tanınmış bəstəkar Ələkbər Tağıyevlə yaradıcılıq birliyinə başlayan Qasımova “Ay ellər”, “Sənsən Həyatım”, “Eşqimi sönməyə qoymaram”, “Gözləyəcəyəm”, “Qəşəngdir” kimi mahnılarla xalq tərəfindən sevilir və gənc yaşlarında möhtəşəm uğurlar əldə edir.

Azərbaycanın ən böyük konsert salonlarında böyük coşğulu konsertler verən sənətkar 1989-cu ildə “Əməkdar artist”,2008-ci ildə isə “Xalq artisti” fəxri adına layiq görülüb.

Bu gün 70-ci yaş yubileyini qeyd edən Qaımova həm sənət, həm də ictimai fəaliyyətini davam etdirməkdədir. Ömrünüz uzun, canınız sağlam, avazınız daim yüksəkdən gəlsin Nisə xanım!