“Sevginin günümü olar?!”

Bugün dünyanın bir çox yerində “Valentin günü” və ya “Sevgililər günü” kimi qeyd olunur.

Qədim Romadan başlayan bayramın yaranma tarixinə nəzər salaq. Sərt qaydalarla idarə olunan Roma imperiyasında imperator hərbi məsələlərə görə, bəylərin evlənməyini qadağan edib.Valentin isə həmin dövrdə yaşayan keşiş olaraq gəncləri gizli-gizli evləndirir. Bunu öyrənən imperator Valentinin ölüm əmrini verir. Valentinin vəfat tarixi olan 14 fevral “Valentin günü” sonralara isə “Sevgililər günü” kimi bir çox ölkələrdə qeyd olunur.

Hal-hazırda isə hadisənin ticarət istiqaməti daha çox inkişaf etməkdədir. Az qala hamı hər il 14 fevralda sevgililərinə və ya həyat yoldaşlarına bu günün ruhunu və sevgilərini  bahalı hədiyyələrlə izah edir. Bu isə istehsalçıların və satış təmsilçilərinim bayramına çevrilir.

Sevgini ən xoş dillə almağınız, yaşamağınız və yaşadmağınız diləyi ilə... Saxta hislərdən uzaq, ülvi sevgiyə yaxın olun!